Plána- ja huksenlága § 12-3 ja 12-8 mielde dieđihuvvo dárkiliidmuddema  álggaheapmi Allaeatnama guovllus Guovdageainnu suohkanis. Plána- ja huksenlága § 1-7 ja § 12-15 mielde dieđihuvvo maiddái ahte doaibmabijuide sáhttá leat oktasaš plána- ja huksenáššemeannudeapmi. 

Evttoheaddji lea Guovdageainnu suohkan ja plánakonsuleanta lea WSP Norge AS. Álggahančoahkkin suohkanin dollojuvvui 25.09.2025. Ovttasráđiid plánaeiseválddiin lea árvvoštallojuvvon ahte plána ii čuoččáldahtte gáibádusa plánaprográmmii ja váikkuhusguorahallamii.

Evttohuvvon plána ulbmil ja sisdoallu
Ulbmil plánain lea láhčit dili dasa ahte ođđa mánáidgárddi ja fuolahusvisttit oktiilokaliserejuvvot dálá dearvvašvuođa- ja fuolahusguovddáža oktavuođas Allaeatnamis Guovdageainnus. Plána láhčá maiddái dili jotkkolaš johtolat- ja sihkkelluoddafierpmádahkii johtolaga fl. 7978 mielde gitta E46 luoddaearu rádjái. Plána mihttomearrin lea nannet fálaldaga bajásšaddamis ja fuolahusas beaktilis areálageavaheami ja bálvalusaid oktiiheiveheami bokte.

Evttohuvvon plána sisttisdoallá ee. :

• Mánáidgárdi mas lea sadji 35 mánnái, juhkkojuvvon golmma ossodahkii
• Fuolahusvisttit main leat gitta 20 orrunovttadaga ja dasa gullevaš bálvalusbása
• Luoddaravda ja vázzin- ja sihkkelgeaidnofierpmádat buoridan dihte beasatlašvuođa ja johtolatsihkarvuođa guovllus.
• Helikopterseaivunbáikki siskkáldas sirdin eatnama siskkobealde.

Doaibmabidju galgá leat mielde ovddideamen guovllu ollislaččat, ja čalmmustahttit funkšuvnnalaš integrašuvnna, buriid olgoareálaid ja heiveheami dálá visttiide ja eanadagaide.
 

Ulbmil dieđihemiin
Ulbmil dieđihemiin plánabarggu álggaheami birra lea gávnnahit sáhttá go plánas leat vuostálasvuohta guovllu dehálaš deasttaiguin. Galgá láhččojuvvot dilli mielváikkuheapmái, nu ahte guoskevaš eiseválddit, ránnját ja guoskevaš bealit ožžot vejolašvuođa árrat buktit mearkkašumiid ja árvalusaid plánaprosessii. Fuomášuhttit ahte dieđihanrádji sáhttá reduserejuvvot loahpalaš plána ráhkadeamis.

Buot áššáigullevaš dokumeanttat leat gávdnamis dás vuolábealde, ja dokumeanttat leat maiddái gávdnamis WSP Norgga ruovttusiiddus Ođđasat/ almmuhusat oasis: www.wsp.com/nb-NO/konsernet/norway/kunngjoringer
 

Mearkkašumit ja cealkámušat mat leat guoskevaččat plánabargui, sáhttet sáddejuvvot:

 WSP Norge AS, Holtermanns veg 7, 7030 Trondheim dahje e-poastta bokte: kjell.morten.haavet@wsp.com ovdal 03.12.2025.

Dieđuid plánabarggu birra addá vuolláičálli Kjell Morten Haavet, tlf. 934 20 454.

Plánadokumeanttat:

Planinitiativ.pdf (PDF, 4 MB)

Varslingsbrev oppstart.pdf (PDF, 209 kB)

Varslingskart Kautokeino.pdf (PDF, 321 kB)

Formannskapets vedtak av 30.10.25 i sak 2425 Varsel om oppstart - detaljregulering for barnehage og omsorgsboliger.pdf (PDF, 560 kB)

Oppstartsmøte 25.09.2025.pdf (PDF, 336 kB)