Vuogádat gáibida sihkkaris identifiserema, ovdamearkka dihte BankID, BankID mobiillas, MinID, ja eará.

Vuogádaga atnin addá máŋga ovdamuniid

• Dieđut krypterejuvvot go sáddet.
• Addá sihkkaris identifiserema sáddejeaddjis.
• Mii oažžut du boasta jođáneappot, mii mielddisbuktá johtileappo áššemeannudeami.

Goas sáhtát atnit eDialog?

• Go sáddet boasta mas leat priváhta dieđut
• Go sáddet dokumeanttaid gullevaš áššái
• Go sáddet eará dokumeanttaid

Goas in galgga atnit eDialog?

• Jus suohkanis lea sierra elektrovnnalaš skovvi áigumuššii.
  Dáppe gávnnat elektrovnnalaš skoviid.
• Jus dus leat dábálaš jearaldagat (sáddes dábálaš e-boasta:
  e-post@kautokeino.kommune.no )

Ná deavddát eDialog-skovi

• Vállje leat go priváhtaolmmoš/ássi (riegádannummár) dahje jus ovddastat fitnodaga (organisašuvdnanummár) 
• Geatnegahtton/Bákkolaš oasit leat merkejuvvon *
• Čilge bajilčállagis makkár áššái dokumeanttat gullet. Jus dus lea áššenummár Guovdageainnu suohkanis čálát dan maid bajilčállagii. Omd.: "2022/58 – Vástádus fálaldahkii"
• Du kommentára boahtá bajilčállaga vuollái.
• Árvvoštala jus dokumeanttain leat personsensitiiva dieđut.
• Viečča dárbbašlaš mildosiid.
• Deaddil “send forsendelse”. Oaččut guitte neahttaloganis. Dat maid sáddejuvvo du e-boastačujuhussii oktan referánsanummáriin.

Sáddet dokumeanttaid mat eai leat almmolaččat

Vuogádat eDialog lea bures heivehuvvon sáddet dokumeanttaid mat eai leat almmolaččat. Kanála lea krypterejuvvon ja sáddejeaddji lea duođaštuvvon.

Muitte merket bajilčállagii “UOFF” oktan áššebajilčállagiin.

Sáhtát maiddái vástidit suohkanii eDialog bokte

Jus Guovdageainnu suohkan lea sádden reivve mas sihttát vástádusa, sáhtát atnit eDialog go áiggut sáddet vástádusa.

Muhtin reivviin sáhttá leat liŋkka eDialog-skovvii, mas beasat logget sisa ja sáddet vástádusa. Eai leat buot reivviin njuolggoliŋkkat, muhto sáhtát aŋkke atnit liŋkka mii lea das bajábealde go áiggut vástidit.

Beasatlašvuođajulggaštus eDialog čovdosii

eDialog beasatlašvuođajulggaštus