Suohkana muddenplánaid ja plánadokumeanttaid gávdná dál neahtas

Suohkan gustovaš areálaplánat dokumeanttaiguin gávdnojit dál neahtas arealplaner.no ja Kommunekart bokte. Suohkana ássit sáhttet ieža geahččat kárttas muddenplánaid ja viežžat doppe muddenmearrádusaid.

Almmuhuvvon 19.04.2023 13.05

Maŋemusat rievdaduvvon 03.05.2023 14.25

Guovdageainnu suohkan lea aitto geavahišgoahtán arealplaner.no. Bálvalus čájeha suohkana plánaregistara ássiide ja earáide geat beroštit oažžumis dieđuid muddenplánaid ja dáid mearrádusaid birra.

Arealplaner.no sáhttá kárttas ohcat muddenplánaid, deaddelit daid ja dasto oažžut dieđuid ja dokumeanttaid muddenplánaid birra.

Ávkkáleamos ohcanvejolašvuohta lea liikká vejolašvuohta ohcat opmodaga masa háliida gávdnat muddenmearrádusaid, nugo vulobealde ovdamearkkas.

Ovdamearkkas mii leat gávdnan opmodaga dnr 3 gnr 182, ja leat gávdnan 3 plána mat gustojit opmodahkii. Maŋemus plána lea detáljamuddenplána (Guovdageainnu márkan)mii gusto dán opmodahkii, ja lea dat mii sisttisdoallá muddenmearrádusaid maid mielde galgá prošekteret. Guokte eará plána leat bajitdási plánat, main dušše hárve leat mearrádusat mat duvdilit eret detáljamuddenplána.

Jus deaddela Guovdageainnu márkana plána, de rahppo neahttaloganláse. Das oaččut dieđuid dán muddenplána birra.

Nugo oaidná, de eanet dokumeanttat ihtet listtus. Dalle sáhttá viežžat daid dokumeanttaid go deaddela dokumeantta, dalle dokumeanta vižžojuvvo njuolga ođđa neahttaloganlevgii. Muddenmearrádusaid gávdná álohii ránes bovssa vuolde mas leat dieđut muddenplána birra.

Didjiide geat atnibehtet Suohkankártta, de soaitibehtet fuobmát muddenplánaid vulobealde lea liŋka arealplaner.no čujuhussii juohke plánii. Dákko geavaheaddji beassá njuolga plánii čujuhusas arealplaner.no. Geahča ovdamearkka vulobealde, mas mii leat merken liŋkka plánaregistarii (arealplaner.no) fiskes ivnniin.

Registrerenbarggus leat fuobmán 3 muddenplána mat eai leat digitaliserejuvvon, ja danin eai gávdno kárttas. Dán mii ordnet dán jagi mielde.

Plánat main lea sáhka, leat:

Guovdageainnu girdišilju muddenplána, suohkanstivra dohkkehan 05.12.2002

Plánakárta (PDF, 438 kB)

Plánamearrádusat (PDF, 55 kB)

Plánačilgehus (PDF, 216 kB)

Gaskabeaivári muddenplána, suohkanstivra dohkkehan 23.03.2006

Plánakárta (PDF, 187 kB)

Plánamearrádusat (PDF, 264 kB)

Áššečilgehus ja suohkanstivrra mearrádus (PDF, 795 kB)

Ájastealli muddenplána, suohkanstivra dohkkehan 20.07.1987

Plánakárta (PDF, 12 MB)