Gilvvut álget dii. 14:00 Govdavuohppenjárggaluotta alde Coop Jernvare bokte. Gilvaleaddjit sihkkelastet de E45 luddii, mohkkasit de davás guvlui hotealla luohká bajás ovdal go jotket viidáseappot Áltái. 

Márkanguovddážis

Dát doalut mielddisbuktet stuora váikkuhusaid E45 luoddajohtolahkii Govdavuohppenjárgga luoddaearus Coop Jernvare bokte ja maiddái Govdavuohppenjárgga luotta alde. Earret eará giddejuvvo luodda gaskal Guovdageainnu ja Álttá, sihke dan botta go gilvalit, muhto maiddái veahá ovdal. Luottaid rahpagohtet sihkkelgilvvu maŋábealde.

Obbalaš kárta

Suohkanviesu bokte / Govdavuohppenjárggaluodda

Govdavuohppenjárggaluotta luoddaearus Coop Jernvare bokte ja Govdavuohppenjárgga luotta alde gitta Siinnaluotta lusa giddejuvvo luodda 17.08.23 gaskkal dii. 08:00 – 16:00. 

E45

E45 lea gitta eanas beaivve duorastaga 17.08.23. Dat mearkkaša ahte ii sáhte vuoddjit E45 ala makkárge luottas dahje eretvuojáhagas daid áigodagaid go E45 lea gitta. 

E45 lea gitta čuovvovaš gaskkain ja áigodagaid:

• Dii. 12:00 – 14:30: E45 gaskkal Ájastealli luoddaearu ja Govdavuohppenjárgga luoddaearu rádjai E45as. 
• Dii. 12:30 – 15:00: E45 gaskkal Govdavuohppenjárgga luoddaearu (E45) ja Gievdneguoika luoddaearu (Rv92).
• Dii. 12:30 – 17:30: E45 gaskkal Gievdneguoika luoddaearu (Rv92) ja Álttá. 

Dás leat dieđut ja govat giddejuvvon luottaid birra (Fuomáš: Dušše dárogillii). (PDF, 3 MB)

Mátkkoštit Áltái

Jus galggat Áltái mátkkoštit duorastaga 17.08.23, berret vuoddját ovdal dii. 12:30. Ruovttoluotta it beasa ovdal maŋŋel dii. 17:30. 

Geahčá Álttá suohkana ruovttusiiddus dieđuid giddejuvvon luottaid birra Álttás.

Eará vejolaš luodda báikkálaš álbmogii

Ájastealli bokte (merkejuvvon ruoná ivnniin eará vejolaš luodda kárttas) manná meahcceluodda maid sáhttá atnit jus lea dárbu vuolgit ovdamearkka dihte dearvvašvuođaguovddážii. 
Jus galgá Govdavuohppeluddii beassat gaskkal dii. 08:00 ja 12:00 dahje dii. 14:30 ja 16:00 ferte vuodjit birra, E45 mielde vulos Doaresluotta bokte Govdavuohppeluddii. E45 lea gitta gaskkal dii. 12:00 ja 14:30. 

Eará vejolaš luodda kárta

Eará dieđut

Doaimmaide ja olbmuide geat orrot suohkanviesu guovllus bohtet gilvvuin leahkit váikkuhusat sihke johtolaga ektui, muhto maiddái rigeara ektui. Lágideaddjit bohtet dieđusge dahkat buot maid sáhttá vai váikkuhusat šaddet nu unnit go vejolaš. Gilvvuid ráhkkanemiid oktavuođas 16.08.23 bohtet johtolagas leat stuorát fievrrut. Gilvobeaivvi duorastaga 17.08.23 leat birrasiid 120 biilla mat galget čuovvot sin geat sihkkelastet ja galget čáhkat unna gáržžes báikái márkanis. Lávdi, gehččiidguovlu ja VIP-guovlu váldá stuora oasi guovllus suohkanviesu olggobealde ja skuvlla guvlui. Ja nugo namuhuvvon de boahtá gilvvuid vuolgga leahkit Coop Jernvare bokte Govdavuohppenjárgga luotta alde. 

Háliidit seammás atnit liibba sávvat buohkaide bures boahtima lágideapmái gilvobeaivvi. Gávnnat áinnas juoga suohttasiid luoddaguoras dahje vuolggabáikkis vai mii oažžut čalmmusteamii Guovdageidnui. Dá leat stuora gilvvut mat sáddejuvvojit TVs 190 riikii. Mii sávvat maid ahte nu ollusat go vejolaš servet álbmotfestii mii lea gaskavahkku borgemánu 16.b. Doppe leat sihke seminárat ja konsearttat mat heivejit eatnasiidda. Prográmma goappašiid beivviide almmuhuvvo go lea gárvvis. 

Jus leat gažaldagat, de váldde áinnas oktavuođa. Mii boahtit atnit suohkana ruovttusiiddu ja Facebook siiddu juohkit dieđuid go doalut lahkonišgohtet.