Guovdageainnu skuvlla njuolggadusat skuvlaáigge maŋŋel (PDF, 115 kB)

Álbmotvuojadeapmi

Álbmotvuojadeapmi galgá leat aktivitehtafálaldat Guovdageainnu suohkana álbmogii. Suohkan ii sáhte hilgut muhtumiid servodagas, dan dihte lea rabas buohkaide. Álbmotvuojadeapmi galgá leat álbmotdearvvašvuođadoaibmabidju ja leat arena gos beassá deaivvadit, ovddidit ássanmovtta ja fysalaš aktivitehta. 

Guovdageainnu suohkan ohcá muhtima gii sávašii váldit ovddasvástádusa ja lágidit álbmotvuojadeami Guovdageainnus. 

• Ohcci ferte spesifiseret galle beaivvi vahkkus, áiggi ja makkár beivviid.
• Lágideaddjis lea ovddasvástádus ahte leat vávttat geain lea heaggagádjunkursa go lea rabas. 
• Álbmotvuojadeami lágideapmái lea bidjon doarjja ru. 10 000,- juohke vahkkobeaivái, jagis dasa gii oažžu álbmotvuojadanovddasvástádusa mii lea álbmotdearvvašvuođadoaibmabidju. Ovdamearka: Álbmotvuojadeapmi lágiduvvo juohke disdaga ja duorastaga 1 jagis, addo ru. 20 000,- doarjja skuvlajahkái.
• Álbmotvuojadeapmi lea rabas gaskkal dii. 17:00 – 21:00 daid beivviid go lea mearriduvvon álbmotvuojadeapmi.
• Rabasáigodagat čuvvot skuvlajagi.

Ohcanáigemearri: 08.11.2023

Ohcama sádde e-boasta čujuhussii: e-post@kautokeino.kommune.no

Volleyballhálla/lášmmohallanhálla hárjehallanáiggit

Organiserejuvvon aktivitehtat sáhttet ohcat láigohit hálla árgabeivviid gaskkal dii. 16:00 – 21:00, vahkkoloahpa dii. 09:00 – 21:00. 
Rabasáigodagat čuvvot skuvlajagi.

Ohcanáigemearri: 15.11.2023

Elektrovnnalaš ohcanskovvi

Vuojadanhálla hárjehallanáiggit

Skuvla atná vuojadanhálla buot beivviid gaskkal dii. 08:00 – 16:00.
Vuojadanhálla láigohuvvo juohke beaivvi gaskkal dii. 16:00 – 21:00.
Rabasáigodagat čuvvot skuvlajagi.

Ohcanáigemearri: 15.11.2023

Elektrovnnalaš ohcanskovvi

Go ohcanáigemearri lea leamaš, de galgá evttohus diimmuid juohkimii sáddejuvvot Guovdageainnu faláštallanráđđái, sii ožžot vejolašvuođa buktit cealkámuša. Go diimmut leat mearriduvvon sáddejuvvo diehtu buot ohcciide.