Čoahkkima ulbmil lei Statkrafta bealis addit dieđuid suohkanii aggregáhtta 3-prošeavtta birra. Statkraft bealis čoahkkinaste Tor Oxhovd Svalesen ja Ole Christian Povenius. 

Lea dáhttu monteret 3. aggregáhta Statkraft rusttegii Álttá - Guovdageainnu čázádagas. Dát ii buvtte maide rievdadusaid čáhcejohtui bajábealde dahje vulobealde buođu, iige rievdat guovllu geavaheami. Aggregáhtta galgá monterejuvvot dálá rusttegii. Fápmorusttega huksemis lea ordnejuvvon sadji 3. aggregáhttii. Šaddá dušše veaháš eanet johtalus monterema oktavuođas ja dát dahkko buoremus lági ovttasbarggus guovllu boazodoaluin.

Suohkan namuhii livččii buorre jus Statskraft doalašii álbmotčoahkkima Mázes čakčat, sullii dalle go skuvla álgá. Suohkan maid muitalii Statkraftii ahte lea heajos šilten Virdneguoikkas. Statkraft áigu iskat ja bargagoahtit áššiin.

Suohkan maid namuhii ahte guollebiras Latnetjávrris lea rievdan ja dan berre čuovvulit, ja bumma bajás Savvonii lea rabas beare ollu almmolaš vánddardeapmái. Statkraft muitalii bumma buoriduvvo, ja doppe váldo atnui elektrovnnalaš koartavuogádat mii hehtte lobihis geavaheami ja johtalusa luottas vulos fápmorusttega ja buođu guvlui. 

Liŋkkas gávdná eanet dieđuid aggregáhta 3-prošeavtta birra (dušše dárogillii):

Utvidelse av Alta kraftverk med et tredje aggregat | Statkraft

Statkrafta diehtojuohkingihpa (dušše dárogillii) (PDF, 3 MB)