Denne artikkelen er over 1 år gammel og kan inneholde utdatert informasjon
Bures boahtin ođđa skuvlajahkái!
De lea fas ođđa skuvlajahki – skuvlajahki álgá 18.08.2021 dii. 08:30
Almmuhuvvon 12.08.2021 15.52
Maŋemusat rievdaduvvon 12.08.2021 15.54
Buot oahppit ja oahpaheaddjit, deaivvadit Báktehárjji luhtte spábbačiekčanšiljus. Doppe lea diehtojuohkin ja skuvlajagi ráhpan.
Nu go buohkat sihkkarit lehpet gullan ja oaidnán de lea skuvllas ollu gaikun- ja huksenbargu, dan oktavuođas leat gaskaboddosaš klássalanjat ná:
- SAÁO lea sierra visttis skuvlla lahka (nuoraidviesus)
- Mánáidskuvladásis leat klássalanjat “boares” nuoraidskuvlla vistis
- Nuoraidskuvladásis leat klássalanjat bráhkáin báktehárjji luhtte
Deháleamos diehtu lea ahte skuvlajagi 2021/2022 rájes lea Guovdageainnu skuvla 1.-10. skuvla.
Skuvlahálddahusas leat:
- Inger Biret W.H Sara - Ossodatjođiheaddji SAÁO ja 1.-4. ceahkis, tlf.: 930 76 568
- Ellen Margrethe Siri Skum - Ossodatjođiheaddji 5.-7. ceahkis , tlf.: 454 05 064
- Ellen J. Sara Eira - Ossodatjođiheaddji 8.-10. ceahkis, tlf.: 454 05047
- Anna Margrethe Bæhr Hætta - Rektor, tlf.: 452 53 237
Bussebisánansadji lea nu movt lea leamaš skuvlla luhtte.
Ođđa trafihkkaplána mas leat dieđut gokko biillat galget vuoddjit/bisánit:
Dáppe gávnnat skuvlaruvttu
Dáppe gávnnat dieđuid SAÁO birra
Dáppe gávnnat dieđuid skuvlasáhtu birra
Sávan buohkaide bures boahtin ođđa skuvlajahkái!