SAÁO - mánáid friddjaáiggeareana

SAÁO lea vuosttažettiin mánáid friddjaáiggearena. SAÁO:s eai leat fágaplánat dahje lohkanmearit. Mánáin lea vuoigatvuohta friddja doaimmaide. Sii háhket máhtu, gálggaid ja guottuid stoahkama bokte. Dat addá mánáide vejolašvuođa šaddat, ovdánit ja sosialiseret. Dan dihte lea stoahkan guovddážis SAÁO árgabeaivvis. Stoahkan addá mánáide olbmáid, hástalusaid, vuostálastima, hárjáneami gieđahallat riidduid, ilu, suohtastallama ja vejolašvuođa gieđahallat vásihusaid ja dovdduid. 

SAÁO mánát dollagáttis SFO SAÁO

Gos lea SAÁO?

SAÁO lea Guovdageainnu skuvllas, smávvaskuvladási ossodagas. Dát lea hui álki daidda mánáide geat ožžot dán fálaldaga. Ahte fysalaččat leat seammá sajis lea maiddai buorre ovttasbargui gaskal skuvlla ja SAÁO. Mázes lea SAÁO Máze mánáidgárddis.

SAÁO rahpan áiggit

SAÁO lea rabas buot árgabeivviid iđđedis diibmu 07:45 – 08:30. 
Go skuvla álgá, de lea oahpaheddjiin ovddasvástádus ohppiin. 
Mánnodagaid ja bearjadagaid 07:45 – 16:15.
Maŋŋelgaskabeivviid álgá fas SAÁO dakka maŋŋil go skuvla nohká. 
Dat mearkkaša ahte álgá disdagaid ja duorastagaid diibmu 14:30. 
Gaskavahku diibmu 12:30.  
SAÁO gidde juohke beaivvi diibmu 16:15. 

Mii merket listui go mánát bohtet min lusa ja merket fas listui go mánáid vižžet maŋŋelgaskabeaivvi.

Suohkanstivra lea áššis 64/12 rievdadan SAÁO njuolggadusaid Guovdageainnu skuvllas, nu ahte SAÁO čuovvu skuvlaruvtto, dat mearkkaša ahte go lea skuvlafriddja de lea SAÁO gitta.
 

Geaidda lea SAÁO bálvalus?

SAÁO lea fuolahus- ja astoáiggefálaldat earret bákkolaš skuvlabeaivvi mánáide 1.-4. klássas. Fálaldat guoská maiddái boarráset ohppiide jus erenoamáš dilálašvuohta doarju saji mánnái. Sisdoallu ja doaimmat galget leat mánáid dárbbuid mielde nu go  stoahkan, vásihit kulturdoaimmaid, sosiála oahppan ja fuolahus (suohkanalaš njuolggadusaid mielde).
 

Sadji, ohcanáigemearri ja sisaváldin

SAÁO saji oažžu ovtta skuvlajahkái hávális. 
Ohcanáigemearri lea miessemánu 1. beaivi. 
Váldosisaváldin lea miessemánu, nuppi mánnobealis. Sisaváldin sáhttá maiddai leat gasku skuvlajagis. 
Jus lea sadji, de sáhttá skuvlaastoáiggeortnet váldit mánáid oanehis áiggiide. Jus lea sadji de sáhttá maiddái “oastit” saji ovtta beaivái.
 

Ohcan skovvi

Ohcanskovvi lea gávdnamis dáppe, de gávnnat sihke ohcanskovi ođđa sadji dahje rievdadeapmi, dahje virgelobiohcan ja eretcealkin.

Máksu

Borgemánu 1. beaivvi 2023 ásahedje nuvttá skuvlaastoáiggefálaldaga sihke 1. ja 2. luohkká ohppiide.

Iežasoassi: kr. 1800,- mánnui.
Borramuš: kr. 200,- juohke mánás mánnui.

1. ja 2. ceahki ohppiide lea SAÁO fálaldat nuvttá, sii mákset dušše borramuša ovddas.

Loga eambbo dieđuid rievdadusa  birra

Loga ođđasiid birra oahppodirektoráhta neahttasiiddus

SAÁO mánát jiekŋa alde SFO SAÁO