Leat go mearkkašumit ránnjádieđáhussii?
Jus leat mearkkašumit ránnjádieđáhussii, de sáddet daid ránnjái dahje ránnjá ovddasvástideaddji ohccái, vejolaš kopiija maid sáddet suohkanii. Ránnjá dahje ovddasvástideaddji ohcci geatnegahtto sáddet viidáset du mearkkašumiid suohkanii.
Hehtten ja oainnus leat juoga man olusat vuosttaldit. Suohkan árvvoštallá vuosttaldemiid dan dáfus man stuora hehttehusaid doaibma mielddisbuktá ránnjáide. Jus ránnjá doaibma lea muddenplánaid, lágaid ja láhkaásahusaid mielde ja leat unnán vejolašvuođat eará ládje cegget huksehusa huksensadjái, de galgá doaibma leat stuorra hehttehussan ránnjáide ovdal go suohkanis lea vejolašvuohta hilgut ohcama.
Áigemearri buktit mearkkašumiid
Ohcci galgá dieđihit ránnjáide ja lagamus ránnjáide). Áigemearri ránnjái buktit mearkkašumiid lea 2 vahku dan rájes go diehtu lea sáddejuvvon ja ohcama duogášdokumeanttat leat almmuhuvvon. Jus dus ležžet mearkkašumit, de galggat daid sáddet ohccái áigemeari rádjái mii lea 2 vahku.
Ohcci galgá bidjat mielddusin ránnjámearkkašumiid go ohcama sádde suohkanii, oktan vejolaš čilgehusain movt daid lea čoavdán.Danin ii galgga ohcama sáddet suohkanii ovdalgo 2 vahku áigemearri lea gollan. Jearaldat guhkidit áigemeari mearkkašumiide ferte ovddidit ohccái.
Jus leat leamaš eret, dahje eará sivaid geažil it leat šaddan gurret poastakássa itge dieđe ránnjádieđáhusa birra, de leat massán vejolašvuođa sáddet cealkámušaid jus 14 beaivve áigemearri lea dievvan.
Gii lea ránnjá?
Ránnjá lea son gii eaiggáda eananopmodaga mas lea oktasaš rádji doaibmaálggaheaddji eananopmodahkii. Jus ásat huksensaji nuppe beale geainnu, de gohčoduvvo dat lagamus ránnján ja galggat oažžut ránnjádieđáhusa. Don leat lagamus ránnjámaiddái jus eará gáržžes guhkolaš areála omd. vázzin-/sihkkelastingeaidnu dahje vázzinmáđidja juohká du ja doaibmaálggaheaddji eananopmodaga.
Muhtumin sáhttá suohkan gáibidit eambbosiidda dieđihit. Suohkan sáhttá maiddái luvvet ohcci dieđiheames ránnjáide ja lagamus ránnjáide jus barggut unnán gusket sin beroštumiide.
Vejolaš kopiija sáddet suohkanii: e-post@kautokeino.kommune.no dahje reive bokte
Guovdageainnu suohkan,
Bredbuktnesvn. 6,
9520 Guovdageaidnu.
<- Fertet go várret ránnjá?