Dáidda ja kultuvra leat dehálaš gaskaoamit čálgohábmejeaddji ja dearvvašvuođaeastadeaddji barggus, muhto maiddai dehálaš mihttomeari iešalddis. Buohkat, beroškeahttá eavttuid, galget beassat vásihit buriid dáidda ja kulturvásihusaid.

Ohcat doarjaga kulturvrralaš vázzinsoappis

Doarjjaohcama sádde suohkanii, gávdno sierra skovvi man dasa atná. Skovis leat maiddai njuolggadusat ohcamii almmuhuvvon. Dá lea skovvi. (PDF, 186 kB)

Eanet dieđut ortnega birra sáhttá giella ja kultuvra doaibmajođiheaddji addit.

Ortnet ásahuvvui jagi 2007 ja lea čuovvoleapmi Dearvvašvuođa- ja fuolahusdepartemeantta St.meld.nr. 25 (2005-2006) ja šiehtadus Omsorgsplan 2015 konkretiserema birra.

Našunála mihtut kultuvrralaš vázzinsoappi dáfus

• rábidit profeššunealla dáidda- ja kulturgaskkusteami mas lea alla kvalitehta min vuorrasiidda.
• Láhčit dili nu ahte šaddá eanet ovttasbargu gaskal kultursuorggi ja fuolahussuorggi, nu ahte ovdánahttojuvvojit buorit dáidda- ja kulturprošeavttat báikkálaččat iešguhtet šáŋŋeriid ja ovdanbuktimiid siskkobealde. Doaibmabidju berre fállat doaluid ja doaimmaid buot dáidda- ja kultursurggiin, nu movt musihkka, teáhter, filbma, girjjálašvuohta ja govvadáidda.
• Searvat dasa ahte vuorrasat ožžot heivehuvvon kulturfálaldaga arenain gos vuorrasat leat beaivválaččat.   

Dieđut vázzinsoappi birra Finnmárkku fylkkagieldda siidduin (ohcanáiggemearri lea ođđajagimánu 15. b.)