Álbmotgirjerájus ja girjebusse

Girjerájus lea Guovdageainnu Kulturviesus.

Mii giddet girjerádjosa gussiide ođđajagemánu 22. beaivvi rádjai. Guossit eai beasa girjerádjosa sisa. Dan rádjai fertet diŋgot maid áiggut luoikkahit. Viežžan dáhpáhuvvá olggobeale girjerádjosa.

 

Girjerájus koronaáiggis

Na diŋgot girjjiid dehe dávviriid.
  • Logge sisa min siidui ja diŋgo/várre maid áiggut luoikkahit. Dasa geavahat iežat e-boastačujuhusa dahje luoikkaheaddjinummára ja pin-koda. Oza katalogas dan maid áiggut ja várre. Muitte geahččat leago girji dahje dávvir luoikkahuvvon dahje várrejuvvon juo ovdalaččas. Jus it muitte mii du luoikkaheaddjinummár dahje pin-koda lea, váldde oktavuođa girjerádjosiin.
    Logge sisa ja geahča kataloga dáppe.
  • Jus mis ii leat girji maid áiggut, de diŋgot mii Norgga našunála girjerádjosis. Váldde oktavuođa minguin. Nummár 45400933. e-boasta folkebiblioteket@kautokeino.kommune.no
Jus it sáhte diŋgot neahta bokte.
Girjjiid viežžan ja buktin.
  • Viežžama šiehttat. Viežžan dáhpáhuvvá gaskal dii. 10-15 árgabeivviid.
  • Girjjiid dahje dávviriid oaččut kulturviesu váldouvssa olggobealde.
  • Girjjiid buvttat min poastakássii mii lea Kulturviesu boađáhagas.
  • Dávviriid buktima fertet šiehttat.
  • Ávdnasat gieđahallojuvvot suorbmafáhcaiguin.

Riŋge dahje čális e-boastta ovdalgo vieččat dahje buvttat.
Nummár 45400933. e-boasta folkebiblioteket@kautokeino.kommune.no
Min Facebook-siiddus sáhtát maid váldit oktavuođa, https://www.facebook.com/ktkfolkebibliotek/

Girjjit ja ávdnasat mat bohtet girjerádjosii.
  • Girjjit biddjot erremii 14 beaivái ovdal fas sáhttet luoikkahuvvot.
  • Sisabuktojuvvon dávvirat bassojuvvot sáibočáziin ja desinfiserenávdnasiin
  • Dávvirat maid ii sáhte bassat (gámme, lávvu, oađđinseahkka, čuoiganskuovat ja eará) biddjojit erremii, 14 beaivvi, ovdalgo sáhttet fas luoikkahuvvot.
  • Sisabuktojuvvon ávdnasat gieđahallojuvvot suorbmafáhcaiguin.

Guovdageainnu álbmotgirjerádjosis gávnnat girjjálašvuođa sáme- ja dárogillii, jietnagirjjiid, CD:aid ja DVD:aid sihke mánáid ja rávisolbmuid váste. Girjjiin, CD:in ja DVD:in lea mánu luoikkahanáigi. Dávviriiguin lea vahkku luoikkahanáigi.

Váldde oktavuođa girjerádjosiin jus dárbbašat veahki. Mii sáhttit ordnet girjjiid jus it dieđe makkár girjjiid áiggut lohkat.

Oza min girjjiid dáppe! 

Girjeáppa

Mis lea BookBites áppa mas sáhtát luoikkahit e- ja jietnagirjjiid.

  1. Viečča áppa BookBites bibliotek.
  2. Registrere geavaheaddji iežat e-boastačujuhusain ja bija alccat beassánsáni.
  3. Bija iežat luoikkaheaddjinummára ja dan pin-koda. 
  4. Váljje Guovdageainnu álbmotgirjerádjosa iežat ruovttugirjerádjosiin. Jus ii leat luoikkaheaddjinummár ovdalaččas, dahje it muitte dan dahje pin-koda, váldde oktavuođa álbmotgirjerádjosiin. Luoikkaheaddjinummára oaččut nuvttá.
  5. Luoikkat girjjiid.

 

Vaikko makkár girji

Skuvlaklássat, mánáidgárddit ja eará ásahusat sáhttet luoikkas oažžut girjelána ja šiehtadit man guhká dárbbašit girjjiid, ovdamearkka dihte fáddábargguid oktavuođas. Mii sáhttit maiddái diŋgot girjjiid mat mis eai leat, eará girjerádjosiin. Dat lávejit ádjánit sullii vahkku dan rájes go diŋgot girjji dassážii go lea ollen min lusa.

Luoikkahangoarta

Luoikkahangoartta oaččut mis girjerádjosis, goarta lea du iežat, ja lea du ovddasvástádus mii dainna luoikkahuvvo. Mis lea sihke báikkálaš luoikkahangoarta, mainna luoikkahat dušše mis, ja Nationála luoikkahangoarta maid sáhtát atnit eará girjerádjosiin.
Goartta diŋgot dáppe.

Luoikkahangoarttain lea dus beassanláhkii maid Bookbitesii ja Filmbib.no (Nationála luoikkahangoarta gáibiduvvo)

Ii dušše girjjiid

Girjerádjosis lea vejolašvuohta geavahit dihtora. Dihtorin sáhtát lohkat Ávvir+, Altaposten+ ja Pressreaderis aviissaid ja áigečállágiid. Mis lea sierra tv-latnja gos lea maid playstation 4 maid buohkat sáhttet atnit. Mis leat maid aviissat, magasiinnat, govvaraiddut ja vahkkobláđit.

Dávvirguovddaš

Sáhtát luoikkahit earret eará čuoiganskuovaid, sabehiid ja geavresoppiid, luisttiid, sihkkeliid, lávuid, tealttáid, firpmiid, meahcástanrusttegiid, gitára ja keyboarda. Dávviriin lea vahku luoikkahanáigi. Dávvirkataloga gávnnat dáppe ja katalogas oainnat leatgo dávvirat luoikkahanládje.

Čuovo min facebookas

Girjebusse

Davviriikalaš girjebusse lea ovttasbargu gaskal Guovdageainnu, Eanodaga ja Muoná suohkaniid. Girjebusses leat sámegielat, dárogielat ja suomagielat dávvirat. Luoikkaheapmi lea nuvttá. Áigetávvalat ráhkaduvvojit Muoná girjerádjosis álo jahkái ovddasguvlui. 2020 áigetabealla gávnnat dás (PDF, 80 kB).
Girjebusse ii vuoje Guovdageainnus, jus riikarájit leat gitta.

Čujuhusat:

 

Álbmotgirjerájusláhka

Girjerájus Biblioteket
Telefovdna 454 00 933

Rahpanáigi

Giddejuvvon gussiide ođđajagemánu 22. beaivvi rádjai. Luoikkahemiid fertet diŋgot ovddalgihtii.

  • Mánnodagaid dii. 12.00-18.00.
  • Disdagaid, gaskavahkuid ja duorastagaid dii. 10.00-15.00.
  • Bearjadagaid dii. 10.00-14.00.