Leat suohkanat geain eai leat lihka ollu ruovttuiskkadanrusttegat go ledje galgat, muhto mii leat ožžon lohpádusaid ahte dát dilli buorrána lagamus áiggis. Guovdageainnu suohkan ferte maid juste dál vuoruhit geat galget oažžut ruovttuiskkadanrusttegiid. Dearvvašvuođadirektoráhtas lea čuovvovaš vuoruheapmi:

1. Olbmot, geain leat dávdemearkkat

2. Olbmot geat leat leamaš lahka olbmo, geas lea dávda
a. iskkus lea errema sajis, go seammá ásodaga/vástideaddji vugiin lagaš olmmoš lea ožžon dávdda

b. Eará lagasoktavuođat

3. Eará screenen dahje njoammuneastadanfágalaš árvvoštallan
a. dakkár olbmuid iskosat, geain leat geain leat kritihkalaš servodatdoaimmat (ee. dearvvašvuođabargit)

b. jeavddálaš iskosat

Jus leat vuoruhanjoavkkus de sáhtát viežžat ruovttuiskkadanrusttegiid čuovvovaš báikkiin:

• Vuoiŋŋahatklinihka iskkusstašuvnnas, dearvvašvuođaguovddáža maŋabealde
• Mázes sáhttá daid viežžat bálvalusguovddážis

Olbmot geat leat buohccit eai galgga ieža viežžat ruovttuiskkadanrusttegiid.

Olbmot geat eai leat vuoruhuvvon joavkkuin, muhto goike háliidit váldit iskosa, sáhttet oastit ruovttuiskkadanrusttegiid muhtin rámbuvrrain ja apotehkain. De fertejit ieža máksit dan ovddas.

 Ruovttuiskkadanrusttegiid lea álki atnit. Don válddát dan alddis, ja oainnát bohtosa maŋŋil 15 min.

Dáppe gávnnat dieđuid goas sáhtát viežžat ruovttuiskkadanrusttegiid ja čilgehus movt dan anát.

Jus leat váldán positiiva iskosa

Dán siidui mii lea čohkken dieđuid maid galggat dahkat jus leat váldán positiiva iskosa.