Sámi álbmotbeaivvi ávvudeapmi Guovdageainnu suohkanis
Guovdageainnus ja Mázes sámi álbmotbeaivvi ávvudeamit
Almmuhuvvon 01.02.2022 20.40
Maŋemusat rievdaduvvon 04.02.2024 12.29
Guovdageainnus
Njoammumat leat lassánan maŋemus áiggi ja njoammudilli lea leamaš eahpesihkar, danin lea ge leamaš váttis gávdnat lágideddjiid sámi álbmotbeaivvi doaluide. Lea mearriduvvon ahte Guovdageainnu suohkan almmuha filmma suohkana ruovttusiiddus ja facebook siiddus sámi álbmotbeaivvi ávvudeami oktavuođas.
Filbma almmuhuvvo sotnabeaivvi guovvamánu 6. beaivvi dii. 12:00.
Filmmas beasat oaidnit sátnejođiheaddji Hans Isak Olsena sámi álbmotbeaivvisártni, dasa lassin lea sámi kultuvrralaš guoimmuheapmi, ja sátnejođiheaddji geige 2021 kulturbálkkašumi.
Mázes
Máze gilisearvi ja Máze Luistenjoavku lágidit sámi álbmotbeaivvi doaluid Mázes. Sis leat bargobajit ja eará lágideamit Ruogojávrri luistenšiljus.
Prográmma ja eará dieđuid gávnnat facebookas: Sámi álbmotbeaivi on ice