Ráđđehusa preassadieđáhusas 27.01.2021 muitalit ahte vuolggasadji lea ahte dušše olgoriikalaččat geat orrot Norggas galget beassat boahtit Norgii

Geatnegahtton iskkusváldin, mátkeregistreren, erren ja errenhotealla ain gusto sin váste geat sáhttet spiehkastit boahtinráddjejumiin.

Ja deattuhuvvo maiddai ahte buohkat geat leat norgga borgárat ain sáhttet boahtit Norgii.

Rievdadusat bohtet gaskaija, bearjadaga 29.01.2021 čuovganeapmái. Olgoriikalaččat geat leat álggahan mátki Norgii ovdal go dát njuolggadus doaibmagođii, besset goitge boahtit riikii.

Loga olles preassadieđáhusa.

Preassadieđáhus maiddai muitala geat eai šat beasa riikii ja geaid ovddas dahkkojit spiehkasteamit.

Dát mearkkaša maiddai ahte olbmot fiskes guovlluin, ovdamearkka dihte Lappi leana Suomas, eai šat beasa Norgii.

Mii maiddai leat beassan diehtit ahte Suopma ii šat suova njulget Suoma čađa (vuodjit “transitt”).

Guovdageainnu suohkan čađaha iskkadeami rájis mátkkošteddjiin geain lea lohpi boahtit Norgii. Iskosa galget váldit Guovdageainnu dearvvašvuođaguovddážis.
Mii leat ožžon buori veahki Guovdageainnu Rukses Ruossas doaimmahit iskosváldima vahkkoloahpaid.

Boahkuheapmi manná nu movt plánejuvvon nu movt midjiide buktet boahkuid. Dán rádjái leat boahkuhan 59 olbmo, ja leat 10 olbmo geat leat ožžon dan nuppi dosa ja dan láhkái leat ollásit boahkuhuvvon.

Guovdageainnu suohkan láigoha doallolanjaid olbmuide go buot oasseváldit orrot Guovdageainnus. Latnjii sáhttet čoahkkanit dušše 10 olbmo (našunála doaibmabidju). Daid dábálaš njoammunsuddjennjuolggadusaid galgá maiddai doalahit, namalassii gaskka doallat, buhtisdoallan ja bissut ruovttus go leat nuorvodávdamearkkat.

Guovdageainnus ii leat ovttage olbmos duođaštuvvon koronanjoammun.