Ovddeš máksingáibádusaid muittuhusat

Suohkan lea sádden olbmuide máksingáibádusaid mat leat boastut. 

Dan oktavuođas go suohkan lea čorgen boares máksingáibádusaid, leat guokte automáhtalaš barggu mannan doarrás. Dat lea mielddisbuktán ahte boares máksingáibádusat máid eat sáhte šat gáibidit dađi bahábut leat sáddejuvvon dan automáhtalaš máksinmuittuhusain mii dahkko juohke vahku.

Buohkat geat leat ožžon diekkár boares máksingáibádusa, boarráset go 2018:s, sáhttet bálkestit dan gáibádusa. Mii leat geahčadan dan barggu mii manai boastut ja oaivvildit mii leat gávdnan ja čorgen eret buot dáid boares máksingáibádusaid dál.

Mii dáhttut goit ge buot kundariid, geat háliidit áibbas vissis vástádusa dan boarásnuvvan gáibádusa hárrái, váldit oktavuođa suohkaniin, go sáddejit e-boastta dahje riŋgejit suohkana váldonummárii 78 48 71 00. De sáhttit sihke dii ja mii leat vissis ahte juste du boarásnuvvan máksingáibádus lea čorgejuvvon eret.

Mii maiddai muitalit ahte mii joatkit dáid čorgenbargguiguin oažžut buot automáhtalaš bargguid min prográmmain doaibmat. Dan oktavuođas sáhttá fas dáhpáhuvvat ahte vuogádat spiehkasta, ja vuohon sáddejuvvojit máksinmuittuhusat mat eai lean galgat sáddejuvvot. Mii dáhttut dan dihte buohkaid geat ožžot máksinmuittuhusa man oaivvildit leat boarásnuvvan dahje njuolgut boastut minguin váldit oktavuođa.

Šállošit lassigivssi.