Suohkanstivrra- ja fylkadiggeválga 2023 ovdagihtii jienasteapmi lea Guovdageainnu suohkana bálvaluskantuvrras.
Ovdagihtii jienasteapmi bálvaluskantuvrras
Váldde mielde legitimašuvnna go boađát ovdagihtii jienastit. Muđui it beasa jienastit jus jienaid vuostáiváldi ii dovdda du. Viečča áinnas válgakoartta iežat telefovdnii ja váldde dan nai mielde, vaikko dat ii gáibiduvvo ovdagihtii jienasteapmái.
Jus jienastat ovdagihtii eará suohkanis go doppe gos leat jienastuslogus, de fertet dan dahkat nu árrat ahte du jietna sáhttá ollet rievttes suohkanii ovdal čakčamánu 12. beaivvi.
Válgabeaivve, mii lea mánnodaga čakčamánu 11.beaivvi 2023, fertet jienastit dan suohkanis gos don leat álbmotregistrerejuvvon ássin maŋemusat geassemánu 30. beaivve 2023.