Dákkáraš roassu váikkuha sakka ekonomalaččat sidjiide geaidda čuohcá, ja lea maiddái rumašlaš ja psyhkalaš noađđin leat guhkkit áiggi badjel dákkáraš váttes dilis.  

Dákkáraš guohtunroasus lea dárbu liigedoaimmaide, main sáhttet leat váikkuhusat eará beroštusjoavkkuide. Dat gullá elliidčálgui ja vaikko vel boazoealáhus lea ge ražastan lassin biebmat, de dárbbaša boazu guohtonráfi doppe gos lea guohtun. Moai ávžžuhetnege danne sin geat vánddardit mehciin, atnit deastta bohccuide. Moai dáhtošeimme maid áddejumi dasa ahte muhtin guovlluin ferte giddet skohterluottaid. Munnos lea luohttámuš dasa ahte boazoealáhus gávdná buriid čovdosiid ovttas suohkaniin. Doppe leat guovllut bohccuid haga, maid buohkat sáhttet ávkkástallat

Moai letne registreren negatiiva ságastallama ja vaši boazodoalu hárrái, erenomážit sosiála median mii munno, sátnejođiheddjiid, mielas lea dohkketmeahttun. Buorre gulahallan ja áddejupmi guđet guimmiideamet hárrái lea vuohki midjiide servodahkan doarjut boazodolliideamet guohtunroasu čađa.

Hans Isak Olsen                                                                      Svein Atle Somby    

Sátnejođiheaddji Guovdageainnu suohkan                           Sátnejođiheaddji Kárášjoga gielda