Ođđa positiiva covid-19 iskkus Guovdageainnus

Ovtta olbmos lea odne duođaštuvvon covid-19 njoammun.

Son lea álggus ožžon negatiiva iskkusbohtosa ja lea dál váldán ođđa iskosa mii lei positiiva.

Son lea lagasoktavuohta muhtumii geas duođaštuvvui covid-19 njoammuleavvama oktavuođas.

Mii muittuhit ahte sii geat leat lagasoktavuođat galget čuovvot mielde dávdamearkkaid 10 beaivvi maŋŋel go deive su geas lea duođaštuvvon covid-19, ja váldit iskosa jus dovdagohtet covid-19 dávdamearkkaid.

 

Oktiibuot leat dál 5 olbmo geain lea duođaštuvvon covid-19 njoammun Guovdageainnu suohkanis dan maŋemus vahkku.

 

Háliidat go diŋgot koronaiskosa? Riŋges 413 92 709

Leat go dus gažaldagat? Sáddes e-poastta korona@kautokeino.kommune.no