Ikte eahkes lea okta ožžon positiiva koronaiskkusbohtosa. Son lea lagasoktavuohta muhtumii gii lea njoammuduvvon.

Odne iđđes lea boahtán diehtu ahte golmmas leat váldán koronaiskosa mii čájehii ahte sis lea covid-19. Sii leat buohkat lagasoktavuođat muhtumiidda geat leat njoammuduvvon.

Mii dovdat buohkaid njoammungeainnu.

Guovdageainnus leat dál ovccis isolašuvnnas covid-19 njoammuma geažil.

Jus dus leat covid-19 dávdamearkkat galggat orrut ruovttus ja váldit iskosa.
Ruovttuiskkadanrusttegiid sáhttá viežžat vuoiŋŋahatklinihka iskkusstašuvnnas juohke beaivvi gaskkal dii. 13:00 ja 14:00.

Jus oažžut positiiva iskkusbohtosa, galggat riŋget: 413 33 342

Loga eambbo dieđuid FHI neahttasiiddus sidjiide geat leat njoammuduvvon dahje leat lagasoktavuohta muhtumii gii lea njoammuduvvon.

Mii ávžžuhit buohkaid váldit koronaboahku. Boahkut mihá muddui eastada duođalaččat buohccámis, ja lea oalle buorre effeakta eastadit njoammuleavvama. Vásáhusaid geažil diehtit ahte boahkuhuvvon olbmuin lea láivvibut dávdamannolat go sis geat eai leat váldán koronaboahku.

Leat go dus gažaldagat? Sáddes e-poastta: korona@kautokeino.kommune.no