Ođastanboahkkodosa buohkaide badjel 18 jagi

Ihttin, gaskavahkku juovlamánu 22. beaivvi dii. 09:00 - 13:00, lea fas boahkuhanáigi Coop Jernvare gealláris.

Guovdageainnu suohkanis lea ain drop-in koronaboahkuheapmi, dat mearkkaša ahte it dárbbaš diŋgot áiggi boahkuheapmái, lea dušše boahtit.

Boahkuheapmi lea Coop Jernvare gealláris, sisaboahtin lea gealláris, uvssat mat leat suohkanviesu guvlui.

  • Gaskavahkku juovlamánu 22.beaivvi dii. 09:00 - 13:00

Mii ráhkkanit omikron-virusvariántta leavvamii, ja dan dihte ávžžuhit buohkaid váldit boahku dál.

Ođastandosa sáhttá leat veahkkin buoridit suddjema duođalaš dávdamannolaga ja jápmima vuostá.

Ráđđehusa mihttu lea ahte buohkat badjel 45 jagi galget ožžon ođastandosafálaldaga ođđajagimánu nuppi vahkku mielde ja sii geat leat badjel 18 jagi galget ožžon ođastandosafálaldaga ovdal guovvamánu 2022 loahpa.

Lea earenoamáš dehálaš ahte dat olbmot geain leat vuollálas buozalmasvuođat ja dilálašvuođat geain moderáhta stuorát riska duođalaš covid-19 dávdamannolat agis 18-44 jagi, váldet ođastandosa.

Ráđđehusa preassadieđáhus 19.12.2021

 

Čuovvovaš joavkkuide fállojuvvo koronaboahkut:

  • Sii geat eai leat váldán boahku
  • Sii geat háliidit váldit nuppi dosa
  • Sii geat dárbbašit váldit goalmmát dosa (ahki 18 jagi ja boarráset)
  • Mánát geain leat vuollálas dávddat

 

Interválla gaskkal nuppi dosa ja ođastandosa (3. dosa) lea buohkaide 4,5 mánu (20 vahkku).

Sáhtát váldit influeansa- ja koronaboahku oktanaga.

 

Jus leat dovdagoahtán vuoiŋŋahatvuolšši dávdamearkkaid, lea feber dahje leat njoammunerremis dahje isolašuvnnas, it galgga boahtit boahkuheapmái.