Oahpisteapmi skuvllas Guovdageainnu ássiide

Duorastaga miessemánu 20.beaivvi 2021 mearridii Guovdageainnu suohkanstivra joatkit Guovdageainnu suohkana ođđa skuvla huksenbargoproseassain.

Ođđa skuvla galgá huksejuvvot seammá sadjái gos boares skuvla lea. Dat mearkkaša ahte boares skuvla ferte gaikkoduvvot. Gaikkodeapmi álgá mánnomolsumis miessemánnu/geassemánnu 2021. Dan oktavuođas fállá Guovdageainnu suohkan ássiide vejolašvuođa finadit skuvllas ovtta maŋemus háve ovdal go gaikkoduvvo.

  • Oahpisteapmi ássiide lágiduvvo disdaga geassemánu 1.beaivvi 2021 dii. 17:00 – 19:00. Buohkat geat háliidit fitnat skuvllas ovdal go gaikkoduvvo sáhttet boahtit nuoraidskuvlla skuvlašilljui. Geahča govas.

Suohkan bargit leat mielde čájeheame skuvlla vai ássit ožžot vejolašvuođa oaidnit ja vásihit skuvlla ovtta maŋemus háve.

Lea dehálaš muittuhit ahte lea ain koronapandemiija ja fertet alo čuovvut gustovaš njoammueastadannjuolggadusaid.

Deaddil ja stuora govva ihtá