Disdaga 16.09.25 lea mis miellagiddevaš ovttasbargu Guovdageainnu demeansaservviin gos mii mannat nuohttut Roavvájávrái. Dán prošektii lea demensasearvi ožžon doarjaga FEFO:s (Finnmarkkuopmodat). Mihttu lea servvoštallat ja nannet oktavuođa buolvvas bulvii. 

Máze skuvlii bohtet gáiddusoahppit miehta Norgga vahkku 38, geat oassálastet doaimmaide ja galget oahppat báikkálaš árbevieruid. 

Mii háliidit bovdet boarrásiid Mázes searvat mátkái dán oktasaš dáhpáhussii. 
Lea ihána buorre vejolašvuohta juogadit dieđuid, fearániid ja muittuid- ja servvoštallat luonddus. 
Bures boahtin doaimmaide, oktavuođaide ja árbevierujuogademiide!