Eben Eseris Guovdageainnus leat doallán čoakkálmasa mannán bearjadaga ja lávvordaga. Dat lea čájehuvvon ahte doppe lei okta olmmoš gii lei boahtán olggobealde suohkana geas lei korona. Birrasiid 30 olbmo leat leamaš dáin čoakkálmasain ja ikte leage okta sis gii lei doppe váldán positiiva covid-19 iskosa. Dát olmmoš lea njoammudan viidáseappot ovtta su lagasoktavuođaide gii odne lea váldán positiiva iskosa.

Ikte lea okta vel olmmoš váldán positiiva jođánisiskosa, sus eai leat čanastagat dán guovtti namuhuvvon njoammumiidda.

Odne maŋŋilgaskabeaivvi lea maiddái okta skuvlamánná váldán positiiva iskosa. Skuvla lea ožžon dieđu dan birra, ja diehtu lea maid mannán sidjiide geaid dat gullá.  

Suohkan lea bargan, ja bargá viidáseappot dábálaš njoammunguorramiin.