Denne artikkelen er over 1 år gammel og kan inneholde utdatert informasjon
Njoammuleavvan Guovdageainnu suohkana buhcciidruovttus
Covid-19 njoammun duođaštuvvon bargiin ja pasieanttain buhcciidruovttus
Almmuhuvvon 14.12.2021 21.00
Maŋemusat rievdaduvvon 14.12.2021 21.29
Vuos fuomášuvvui njoammun buhcciidruovttu bargis geas ledje dávdamearkkat. Bargi lea leamaš barggus dán vahkkoloahpa.
Buot bargit ja ássiid/pasieanttat buhcciidruovttus leat váldán iskosa odne ja dán oktavuođas duođaštuvvui covid-19 njoammun 2 pasieanttas ja ovtta vel bargis. Earáin lei negatiiva koronaiskkus.
Lea mearriduvvon ahte buot dearvvašvuođa- ja fuolahusinstitušuvnnat Guovdageainnu suohkanis galget leat gitta ja eai vuostáiváldde gussiid, dán njoammuleavvama dihte.
Buot bargit ja ássiid/pasieanttat galget váldit iskosiid beaivválaččat ovddasguvlui.
Odne leat obbalaččat 6 njoammuma duođaštuvvon Guovdageainnus. Mii diehtit ahte viđas dáin sáhttit guorrat ovdalaš dovddus njoammumiidda. Dan guđadis ii leat oktavuohta dáidda earáide.