Ođđajagi rájes lea NAV Guovdageainnu ja Kárášjoga suohkanin čohkken resurssaid oktasaš jođiheami vuollái ja fállan ollislaš bálvalusaid ássiide, politihkalaččat mearriduvvon suohkaniid gaskasaš ovttasbarggu bokte. 

Dál lea maiddái NAV Ávjovárri ožžon ođđa lokálaid gos buot bargit besset deaivvadit ovddidit ja fállat buriid bálvalusaid ja hukset nana ja buori fágabirrasa. 

Dan mii háliidit čalmmustahttit allaáiggálaš seremoniijain go čoahkkanit Guovdageidnui.

Guovdageidnui bohtet bargo- ja čálgodirektevra Hans Christian Holte, bargo- ja bálvalusdirektevra Sonja Skinnarland, NAV gulahallanguovddáža direktevra Jørn Torbergersen ja NAV Romssa ja Finnmárku direktevra Kristin Røymo. Guovdageainnu suohkana ja Kárášjoga gieldda sátnejođiheaddjit Anders S. Buljo ja Svein Atle Somby, suohkandirektevrrat Karin Hætta ja Ronny Berg oassálastet. NAV Ávjovárri bargit maid servet.

Prográmma: 

• Guovdageainnu suohkanviesus dii.10.30
• Ráhppan luođi bokte, Máhtte Ante J. Sara
• Bures boahtin, sátnejođiheaddji Anders S. Buljo bokte
• Sárdni, sátnejođiheaddji Svein Atle Somby bokte 
• Luohti, NAV- bagadalli Ann-Karoline Eira bokte 
• Bargo- ja čálgodirektevra Hans Christian Holte bokte 
• Sárdni, Romssa ja Finnmárkku NAV-direktevra Kristin Røymo bokte
• Davvi trio lávlun

NAV ođđa kántuvrrat márkanbáikkis