Guovdageainnus ledje ovddit vahkku 13 njoammuma, ja maŋemus beivviid lea boahtán diehtu ahte oktanuppelogis leat váldán positiiva korona iskosa. Buohkain dovdat njoammugeainnu, sis leat geahppa nuorvodávdamearkkat ja ii oktage leat buohcciviesus.
Dál leat Guovdageainnus 19 olbmo isolašuvnnas.
Vaikko boahkuhanbáikkis mannán disdaga lei bargi geas čájehuvvui leat positiiva iskkusvástádus, de ii leat boahtán diehtu ahte earáide lea njommon covid-19 dan oktavuođas.
Guovdageainnus lea dán vahkku duođaštuvvon omikron-njoammu. Álbmotdearvvašvuođainstituhtta lea lohkan ahte omikron-báru ii sáhtte bissehit, muhto mii fertet geahččalit goazahit dan. Omikron lea virusvariántta mii addá láivádet dávdamannolaga, mii dagaha ahte gierdat alla njoammulogu nu guhka go álbmot lea boahkuhuvvon.
Johtolatčuovgamodealla
Báikkálaččat lea mearriduvvon ahte mánáidgárddiin, skuvllain, SAÁOin ja joatkkaskuvllas galgá leat fiskes dássi dan vahkku. Boahtte vahkku dahkko ođđa árvvoštallan makkár dásis galget leat.
TISK rievdadusat
Olbmot geat orrot seammá viesus gos muhtumis lea duođaštuvvon covid-19 njoammu, galget leat 10 beaivvi erremis.
Eará lagasoktavuođat galget váldit iskosa goalmmát ja viđat beaivvi das rájes go lei lagasoktavuohta muhtumin geas lea duođaštuvvon covid-19 njoammu.
Lea su ovddasvástádus, geas lea positiiva koronaiskkus, njoammuguorrama čađahit/addit dieđu iežas lagasoktavuođaide.
Ruovttuiskosat
Jus leat dovdagoahtán covid-19 dávdamearkkaid sáhtát viežžat ruovttuiskkadanrusttegiid vuoiŋŋahatklinihka iskkusstašuvnnas čuovvovaš áiggiid:
- Mánnodagas bearjadahkii: dii. 09:00-10:00 ja 14:00-15:00
- Lávvordagaid ja sotnabeivviid: dii. 14:00-15:00