Guovdageainnu suohkan lea guhkit áiggi geahččalan gávdnat lágideddjiid dán jagi miessemánu 17. beaivvi doaluide márkanis. Easka dán vahkus duođaštuvvui ahte váhnemat, VBL ja eaktodáhtolaččat ovttas Guovdageainnu valáštallanservviin ja Rema 1000:in leat váldán ovddasvástádusa nu ahte šaddet lágideamit maiddái márkanis. Mázes lea valáštallansearvi ordnen fiinna prográmma.

Suohkan háliida giitit buohkaid geat leat searvan plánet doaluid sihke márkanis ja Mázes. Seammás ásahuvvo dál miessemánu 17. b. lávdegoddi sihkkarastin dihte buoret plánema boahttevaš doaluide.

Prográmma Guovdageainnus

Ipmilbálvalus

Dii. 12:00 – Dearvvašvuođaguovddáš

• Ipmilbálvalus proavás Egil Lønmo bokte

Mánáidtoga

Dii. 12:45 – Dearvvašvuođaguovddáža šiljus

• «Ja, vi elsker»

• Vázzát dii. 13:00
• Gokko vázzit: Dearvvašvuođaguovddáš → Esso → Hoteallaluohkká → Báktehárji
• Politiija ja HV (ruovttusuodjalus) láidestit toga
• Buot skuvlla luohkát oasálastet

Bearašdoalut Báktehárjjis

Dii. 14:00–16:30
• Otná beaivvi sárdni, sadjásaš sátnejođiheaddji Laila Susanne Vars bokte. Son juohká maid dán jagáš áŋggirdeaddjirámi
• Mii lávlut ovttas: «Ja, vi elsker» ja «Sámi soga lávlla»
• Guoimmuheapmi mánáidkoarra, ja earát
• Kafeas vuvdet gáfe, gáhkuid, márffiid ja iisa. Nuvttá bollát, sáktá ja iisat mánáide! 
• Stohkosat mánáide spábbačiekčanšiljus

 Lágideaddji: VBL Guovdageainnu skuvllas, Rema 1000, Guovdageainnu IL - čuoigan ja bođuvalaštallan ja eaktodáhtolaš váhnemat

Prográmma Mázes 

Dii. 10:55 - Toga vuolgá ovddeš buhcciidruovttus badje Mázes

Gáffe, kakáo ja gáhkku boddu “Skrånetis”. Toga joatká viidásat girku parkerensadjái gos mii seavvit boarrásiidda Máze ássan- ja fuolahusviesus. Das mii vázzit rundkjøringai Vuolle Mázes ja ruovttoluotta skuvlii. 

Dii. 13:00-16:00 - Guossuheapmi Máze skuvlla lášmmohallansálas. 

Mii vuovdit: lapskausa, márffiid, gáfe, bruvssa, gáhkuid, iissa, njálgáid ja loattaid. 

Stoahkan ja eará doaimmat sihke mánáide ja rávisolbmuide mas vuoittut. 

Dii. 15:00 Sátnejođiheaddji sártnida

Dii. 16:00 Ipmilbálvalus Máze girkus

Dii. 17:00 Njoarostangilvu mas buorit vuoittut

Dii. 19:00 Bingo skuvllas mas buorit vuoittut

Ollu giitu didjiide geat bargabehtet eaktodáhtolaččat ja ealáhusaide geat dahket dán beaivvi vejolažžan!

Lágideaddji: Máze IL

Guovdageainnu suohkan giitá buohkaid geat servet dán jagi álbmotbeaivvi ávvudeapmái, ja sávvá olles álbmogii buori miessemánu 17. beaivvi!