Mearrádus lea dahkkon

Miessemánu 20. beaivvi 2021 šattai historjjálaš beaivin Guovdageainnu suohkanii go čoahkkanan suohkanstivra válddii loahpalaš investerenmearrádusa skuvlaáššis.

Deaddil ja stuora govva ihtá  

Huksenšiehtadus suohkana ja entreprenevrra Bjørn Bygg AS gaskkas lea vuolláičállon, ja goaivu bidjo juo eatnamii dán geasi mielde. Guovdageainnu suohkan galgá hukset ođđa 1-10 skuvlla mas obbalaš gollorámma lea 320 milj. ruvnno oktan momsadivvagiin (lasseárvodivat/mva).

Guhkes plánenproseassa manná dál loahpaguvlui, ja mii illudit oaidnit ođđa skuvlla ceagganeami viessosajis.

-Dát lea dehálaš ja fiinna investeren mánáide ja nuoraide, min servvodaga boahtteáigái. Mii leat rámis dan barggus maid min ovttasbargit leat bargan vai ahte ollašuhttit dán prošeavtta, lohka sátnejođiheaddji Hans Issat Olsen. Son lea ilus go Guovdageaidnu dál oažžu ođđa stuoravistti, ahte oahppit ja bargit ožžot buoret bargobirrasa.

Entreprenevra álgá hui fargga gaikkodit vuojadanhálla, ja geasset álggahit ollislaš huksenbargguin.

Deaddil ja stuora govva ihtá