Mánnodat iđida dán vahkku fuobmájedje mánáidskuvlla oahpaheaddjit ahte muhtin sajiin mánáidskuvllas ii lean čáhci. Oanehis áigge maŋŋel álggii skuvlla feaskára dáhkis goaikut čáhci. Skuvlla oahpaheaddjit ledje jođánat dieđihit dán birra viessodoibmii ja viessodoaibma lei jođán bidjat johtui eastadeaddji doaibmabijuid.  

Mánnodaga sullii diibmu 10 sáddejuvvo maiddai oahppit ruoktot, ja viessodoaibma joatká bargguin.   

Disdaga dán vahku lonuhuvvui revre mii lei luoddanan, ja dakka maŋŋel fuomášedje ahte váttisvuohta viidánii. Skuvllas jotke revrret luoddanit, ja máŋgga saje dáhkis álggii čáhci goaikut.  

Gaskavahkkoeahket mearriduvvui ahte ferte lonuhit máŋga mehtera čáhcerevrriid vuoi nagoda bissehit čađagolgama, duorastatiđit lea  Alt’a Rør AS sajis divvut čáhcegolgama. Divvundoaibma boahtá dáhpáhuvvat vahkkoloahpa badjel.   

Lea eanemus jáhkehahtti ahte skuvlla čáhcerevrret luoddanedje buollaša geažil, jáhkkimis dan dihte go revrret leat boarrásat. Beivviid ovdal lei gilis máŋgga sajis vuollel -30 gráda.  

Skuvla lea ferten doallat gitta olles vahku, maiddai bearjadaga juovlamánu 3.beaivvi lea skuvla ferten leat gitta.  

Mánnodaga juovlamánu 6.beaivvi lea skuvla fas dábálaš doaimmas.