Denne artikkelen er over 1 år gammel og kan inneholde utdatert informasjon
Leat go oapmahaš olbmui gii orru suohkana ásahusain?
Dál sáhtát finadit lagasolbmo luhtte gii orru suohkana ásahusain. Váldde oktavuođa ásahusain gullat movt galggat bargat.
Don fertet váldit oktavuođa ovdal go boađát guossái dan dihte go ásahus dárbbaša áiggi ovdagihtii organiseret ja láhčit finadeami nu ahte eastadit Covid-19 njoammuma buoremus lági mielde.
Almmuhuvvon 28.07.2020 14.42
Maŋemusat rievdaduvvon 28.07.2020 14.42
Dearvvašvuođadirektoráhtta čállosa «Smittevernråd ved besøk i kommunale helse- og omsorgsinstitusjoner» vuođuin, rahpá Guovdageainnu suohkan vejolašvuođa ahte oapmahaččat besset finadit iežaset lagasolbmuid luhtte buhcciidruovttus ja fuolahusviesuin gos lea birrajándorbargi.
Finadeapmi šiehtaduvvo ovdagihtii telefovnna bokte
- Tlf buhcciidruoktu: 78 48 72 80 / 404 48 581
- Tlf fuolahusguovddáš: 453 98 295
- Tlf Allaeanan orohat/ássankollektiiva: 474 65 345
- Sii geat bohtet guossái ožžot áigeguovdilis praktihkalaš dieđuid ossodagas go váldet oktavuođa šiehttat finadeami
- Lea dehálaš ahte guossi riŋge ossodahkii ja dieđiha ahte lea boahtime
- Mii čállit guossebeavdegirjji
- Oapmahaččat dahje earát geain jáhkkimis dahje duođaštuvvon lea covid-19 eai sáhte boahtin guossin ásahussii.
- Oapmahaččat dahje earát geat leat ruovttuerremis dahje geain leat golgodávdda dávdamearkkat, eai galgga dábálaččat boahtit guossái, muhto spiehkastemiid sáhttá muhtin oktavuođain árvvoštallat ovttasráđiid ossodagain.
- Go leat covid-19 dávdamearkkat ja lea iskosa váldime, galgá guossi muitalit ahte leat leamaš guossis ásahusas, dat leat oassin njoammuguorramis.