Mii diehtit dál juo ahte juovllat šaddet fas earáláganat, nu movt diibmá maid. Dábálaččat mis leat spábbačiekčamat, duodjemárkanat ja juovlabasára dan áigge jagis, muhto buot dáid leat ferten šluhttet dahje maŋidit njoammuleavvamiid dihte.
Váikkuhusat njoammundáhpáhusain lea ahte leat ferten vuohon giddet servodaga. Sávan dan dihte ahte buohkat sáhttet ain leat várrogasat, čuovvut njoammusuddjen rávvagiid ja válljet dárkilit geaiguin ovttastalat dál ovddasguvlui.
Háliidan vel giitit juohke ovtta dan dehálaš barggu ovddas maid leat bargan dássážii. Buohkat leat bargan earenoamážit dán jagi maid, earret eará čuvvon juohke rávvaga ja njuolggadusa maid leat ožžon.
Hávskodat ja olbmát leat stuora oassi juovllain, muhto lea maid áigi goas muhtimat dovdet oktovuođa ja soitet leat ollu okto. Nu ahte jus dovddat muhtima gii lea ollu okto, ávžžuhan din váldit oktavuođa telefovnna bokte, sáddestit dearvvuođaid, bidjat liekkus reivve poastakássii dahje jearralit jus galgabeahtti vázzit tuvrra. Dákkár smávva dahkku sáhttá dahkat ollu nubbái.
Háliidan maid fuomášuhttit ahte lea dehálaš čuovvut dáid ávžžuhusat juovlabasiid maid:
- Oro ruovttus jus leat buohcci
- Váldde iskosa jus leat vuoiŋŋahatvuolšši dávdamearkkat
- Ávžžuhit rávisolbmuid rádjet lagasoktavuođalogu
- Boahkut ráddjejit njoammuleavvama ja duođalaš dávdamannolaga
Sávan ain fiinna adveanttaáiggi,
fiinna juovlabasiid ja
buorre ođđa jagi buohkaide!
Hans Issat
Sátnejođiheaddji