Ii dárbbat diŋgot diimmu, beare boađát dáid áiggiide:

Guovdageainnu dearvvašvuođaguovddáš :  

Gaskavahkuid: 14.10, 21.10. ja 28.10.

diibmu 09.00-15.00

Máze dearvvašvuođaguovddáš:

27. b. golggotmánus , diibmu 09.30-13:30

Ođas 2020 rájes: Riskajoavkkuide máksá dál influensaboahkku 50,- ruvnno.  

Fállat maid geahpesboalddáhatboahku, máksá 380,- 

Loga álbmotdearvvašvuođa neahttasiiddus geat leat riskajoavkkut, dahje mis sáhtát gulaskuddat go boađát.

Fuomáš: Covid-19 virusnjoammun eastidan dihte:

• Ale boađe jus lea nuorvu, gosahat, febar dahje eará dávdamearkkat
• Basa gieđaid go boađát. Dearvvašvuođaguovddážis lea giehtaspriita go sisa boađát. Leat maid giehtaspriita vuordinráiddu lahká, máksinautomáhta luhtte jnv
• Doalat 1 mehtera gaskka earáide.  Ii ábut sallut dahje buorastahttit gieđain. Mii bidjat stuoluid das gos vuorddát ovdal boahkuheami, ja das gos vuorddát maŋŋel boahkuheami, go galggat vuordit das 20 minuhta maŋŋelii. 
• Gossat ja gastit ráinnas bàbernjunneliidnái, dahje gardnjilgávvii. Basa gieđaid maŋŋel go leat gastán/gossan. 

2020: Olbmuide geat orrot buhcciidruovttus, ássankollektiivvas dahje vurdet saji daidda, sidjiide lea earálágan boahkku, Fluoral. Dat ii leat vel ollen.  Sii ožžot dieđu go lea boahtán.