Ii leat covid-19 njommon Guovdageainnus

Boahkuheapmi manná ovddosguvlui. 

Guovdageainnus ii leat dán rádjái gávdnon covid-19 oktiige daid iskosiid mielde máid leat váldán olbmuin.

Dáppe leat 149 dálkkasdosa addon, 29 olbmo leat ožžon guokte dálkkasdosa dán rádjái.
Buohkat geat leat álbmotregistrerejuvvon Guovdageidnui ožžot fálaldaga Guovdageainnu suohkana dearvvašvuođabálvalusas boahkuhuvvot go sin vuorru lahkona, ja dat lea vaikko sin fástadoavttir bargá eará suohkanis.

Guovdageainnu suohkan čuovvu našunála rávvagiid olmmoščoagganemiid dáfus.
Ođđa árvvoštallan dan oktavuođas boahtá vahku 7.

Suohkanviesus rahppo váldouksa. Áššemeannudeaddjit eai gal vuos váldde olbmuid kantuvrraide.