Denne artikkelen er over 1 år gammel og kan inneholde utdatert informasjon
Hoahppočoahkkin boazodoalu roasu birra
Guovdageainnu suohkan lea ihttin bearjadaga 08.04.22 bovden Stádahálddašeaddji, Eanandoallodirektoráhta, Sámedikki ja NBRa hoahppočoahkkimii boazodoalu roasu birra.
Almmuhuvvon 07.04.2022 17.57
Maŋemusat rievdaduvvon 07.04.2022 17.57
Boazodoallu lea Guovdageainnu suohkana stuorámus ealáhus, ja guoskka sullii beali min álbmogis. Suohkan oaidná ahte dilli lea hui duođalaš ja lea šaddan servvodatroassun.
Suohkana bálvalusat oidnet dan noađi máid dat dilli buktá boazodoallobearrašiidda ja maiddai min servodahkii, ja oaidnit dárbbu loktet dan ášši alit instánssaide. Suohkan ii nagot akto čoavdit dan dili, ja háliidit fárrolaga bovdejuvvon aktevrraiguin geahččalit gávdnat čovdosiid dan heahtedillái, muhto maiddai guoskkahit boahttevaš boazodoalu.
Suohkana bealis oasálastet sátnejođiheaddji Hans Isak Olsen, suohkandirektevra Kent Valio, suohkana hálddahus, ja suohkana ovdánahttinorganisašuvdna Ovddos.
Bilde av reinfor
Sindre Murud