Mielduopmárat leat dábálaš ássit geat dahket mearrádusaid diggeáššiin. 

Mielduopmárin sáhtát vuordit gohččojuvvot gaskal ovtta ja golmma geardde jagis. Eanas diggeáššit bistet ovtta beaivvi rájes golmma beaivvi rádjái, muhtun soames áššit sáhttet bistit guhkibut. 

Diggegotti mielduopmárin leat don okta guovtti mielduopmáris gii galggat dubmet diggeáššiin, ovttas ovttain fágaduopmáriin.

Lágamánnerievtti mielduopmárin leat don okta njealji mielduopmáris gii galggat dubmet diggeáššiin, ovttas golmmain fágaduopmáriin.

Loga eambbo mielduopmárortnega birra dás www.domstol.no

Meddommar | Norges domstoler

Láhkaortnet bidjá muhtun gáibádusaid gean sáhttá válljet mielduopmárin Guovdageainnu suohkanis. 

Muhtun dáin gáibádusain leat:

• Fertet leat álbmotregistrerejuvvon Guovdageainnu suohkanis. 
• Fertet badjel 21 jagi ja vuollel 70 jagi boaris válgaáigodaga álgimis 01.01.2025.
• Fertet hupmat ja ipmirdit dárogiela.
• Fertet leat norgga dahje davviriikkalaš stáhtaboargár, dahje leamaš registrerejuvvon álbmotregistarii orron Norggas maŋemus golbma jagi.
• It galgga leat almmolaš vealgešiehtadallamis, konkursameannudeamis dahje konkursaerremis.
• Dus galgá dohkkehuvvon meannudus.
• Don galggat persovnnalaččat heivet doibmii (fertet máhttit čuovvut šiehtadallamiid dikkis, ipmirdit áššečuolmmaid mat áššis ovdanbiddjojit, ovdan buktit maid ieš oaivvildat áššečuolmmaid birra, ja muitalit maid don oaivvildat)

Mielduopmárlávdegottiin galgá máŋggabealat oktiibidjan, vai eanemus lágiid speadjalastá suohkana álbmoga.

Dál sáhtát šaddat mielduopmárin áigodahkii 01.01.2025–31.12.2028. 

Jus háliidat dieđihit iežat mielduopmárin, de sáhtát dan dahkat go deavddát ja sáddet digitála skovi mii gávdno min ruovttusiiddus:

Ohcanskovvi

Eanamolsunrievtti mielduopmáriin ja árvvoštallanlahtuin gáibiduvvo fágagelbbolašvuohta. Danin lea dehálaš ahte skovis deavddát makkár gelbbolašvuohta dus lea. 

Skovi fertet maid deavdit ja sáddet jus juo leat mielduopmár ja háliidat joatkit vel ovtta áigodaga.

Obbalaččat leat garra gáibádusat beassat mielduopmára doaimmas. Don leat válljejuvvon mielduopmárin njealji jagi áigodahkii ja leat geatnegahtton leat doaimmas gitta áigodaga lohppii. 

Jus háliidat beassat doaimmas ovdal go dálá áigodat nohká 31.12.2024, de ferte dus ágga manin ozat beassat doaimmas. Sivat maiguin sáhtát beassat doaimmas leat nugo dearvvašvuođadilli, don leat leamaš mielduopmárin guokte ovddit áigodaga ja eará «earenoamáš sivat».

Sádde iežat doaimmas beassat ohcama čujuhussii e-post@kautokeino.kommune.no. It dárbbaš bidjat duođaštusa mielde nugo omd. doavttirduođaštusa, jus dus lea dearvvašvuođa sivat ággan dasa.

Váldde áinnas oktavuođa minguin suohkanis jus dus leat gažaldagat doaimma dahje mielduopmára/árvvoštallanlahtu válljema birra:

E-poasta:             e-post@kautokeino.kommune.no 

Telefovdna:          78 48 71 00