Guovdageainnu suohkanis ii leat dán vahkku ge covid-19 njoammun

Boahkuheapmi ovdána plána mielde.

Dat iskosat mat leat váldon man maŋemus áiggi dáppe Guovdageainnu eai čájet covid-19 njoammuma.

Dán vahku leat 42 olbmo ožžon boahku, oktiibuot leat 191 boahkuhuvvon dán rádjái. Mis leat 46 olbmo ožžon dan mearriduvvon guokte dálkkasdosa.

Guovdageainnu suohkan čuovvu našunála njuolggadusaid olmmoščoagganemiid hárrái, mat leat čilgejuvvon covid-19 láhkaásahusas § 13   ja § 13a  ja doarjut maiddai našunála rávvagiid nu movt dilli lea juste dál.  


Ráđđehusa ođđa njuolggadusat ja ávžžuhusat 23.02. rájes.