NAV

NAV sosiála sáhttá veahkehit jus leat váttes ekonomalaš dilis. Lea dušše okta ohcanskovvi mainna sáhtát ohcat jus dárbbašat ekonomalaš doarjaga. Sáhtát ohcat doarjaga ovdamearkka dihte: viessogoluide dego viessoláigu, elrávdnji, liggen, suohkanlaš divvagat, biepmu, bátnedoaktárgolut, biktasat, astoáiggedoaimmat ja eará.

NAV Guovdageaidnu njuolggotelefovdnanummár lea: 40 48 78 30.

Movt ohcat? Guovdageainnu suohkan fállá digitála ohcama, ja don sáhtát ohcat dáppe.

Loga eambbo makkár veahki NAV fállá NAV neahttasiiddus.

Dearvvašvuođabálvalus

Guovdageainnu doavttirkántuvra fállá beaivvát ala veahki boazodolliide geat dárbbašit jođánis dearvvašvuođaveahki. Psyhkalaš dearvvašvuođaossodahkii lea maid álki oažžut diimmu oanehis áiggis. Telefonnummar doavttirkantuvrii lea: 78 48 72 60, psykiatribálvalusa telefonnummar lea: 97 04 36 83.

Ealáhusossodat

Guovdageainnu suohkanis lea sierra heahtefoanda mii lea heivehuvvon boazodollui mii dál lea váttis dilis. Vahkku 15 rahppo vejolašvuohta ohcat doarjaga doppe. Áššemeannudeaddji telefonnummar lea 90 98 03 77.

Skuvla

Buot ovddasteddjiide rahppo vejolašvuohta čuovvut váhnenčoahkkimiid ja ohppiidságastallamiid Teams bokte olles dán skuvlajagi.

Biedjovággeluodda ráhppán

Suohkan lea ovttasráđiid Sámedikkiin geahččame vejolašvuođa ráhppát ja doalahit rabas Biedjovákkeluotta.  

Ovttasbargočoahkkin boazodoalloealáhusain

Sátnejođiheaddji lea bovden ovttasbargočoahkkimii gos dát bajábealde namuhuvvon čuoggát ja eará áigeguovdilis áššit galget digaštallot.