Geassemánu 10. beaivvis 15. beaivái levge Guovdageainnu suohkan fátmmasteami leavggain olggobealde Guovdageainnu dearvvasvuođaguovddáža ja ássan- ja fuolahusguovddáža Mázes.

Dát dáhkko čalmmusteapmin máŋggabealatvuohtti, girjáivuhtii, ovttaárvosašvuhtii, ja doarjjan buohkaide geat barget rabas ja fátmmasteaddji servodaga ovddas.

Searvadahttinleavga lea riikkaidgaskasaš symbola girjáivuhtii, dohkkeheapmái ja olmmošvuoigatvuođaide. Dáinna čalmmustahttimiin dáhttu suohkan čájehit ahte Guovdageaidnu lea báiki gos buohkat galget dovdat iežaset oadjebassan ja árvvus adnojuvvon - beroškeahttá duogážis, identitehtas dahje eallinoainnus.

Levgen dáhpáhuvvá suohkanstivrra mearrádusa mielde áššis 11/25 njukčamánu 27. beaivve 2025, gos mearriduvvui ahte suohkana leavgastákkuin galgá levgejuvvot searvadahttinleavggain dalle go lea lunddolaš ja ulbmillaš.

Levgen lea oassi nášunála ja riikkaidgaskasaš čalmmustahttimis, ja leat ge čatnon suohkana árvvuide, namalassi dásseárvui, searvadahttimii ja gudnejahttimii. Guovdageainnu suohkan háliida leat mielde ovddideame dakkár servodaga gos buohkain lea vuoigatvuohta leat nu go ieš háliida.

Mii sávvat ahte sihke ássit ja guossit dohkkehit dán ja leat mielde ávvudeame min giliid máŋggabealatvuođa.