Guovdageainnu dearvvašeallinguovddáš
Dearvvašeallinguovddáš rahpá gaskavahkku njukčamánu 12. b. Dalle šaddá hárjehallan dii. 18-19 ja dii. 19-20 Hánnoluohkká 1:s, fysioterapevtabálvalusas. Joavkohárjehallanfálaldagat leat nuvttá ja rabas buohkaide, muhto fertet dieđihit iežat e-poastta bokte vilde.marja.hensema@kautokeino.kommune.no maŋimus guokte diimmu ovdal hárjehallama.
Almmuhuvvon 05.03.2025 11.47
Maŋemusat rievdaduvvon 05.03.2025 12.35
Mii lea dearvvašeallinguovddáš?
Dearvvašeallinguovddáš lea Guovdageainnu suohkana stuorámus dearvvašvuođaáŋgiruššan. Guovddáš lea rabas buohkaide, ja fállá bálvalusaid olles álbmogii.
Guovdageainnu dearvvašeallinguovddáš lea nuvttá dearvvašvuođafálaldat suohkanolbmuide, ja fállá dearvvašvuođaovddideaddji ja eastadeaddji dearvvašvuođabálvalusaid. Dearvvašeallinguovddáš galgá leat oadjebas báiki gos olbmot sáhttet deaivvadit sosiála doaimmaide, fysalaš doaimmaide ja hárjehallamii. Doppe galgat maiddái juogadit ávkkálaš ja dehálaš máhtu.
Mii háliidit buktit dieđuid mat sáhttet veahkehit olbmuid iežaset dearvvašvuođa áimmahuššat nu bures go vejolaš, danne áigut dađistaga maiddái fállat logaldallamiid ja kurssaid.
Mihttu lea ovdánahttit giliolbmuid dearvvašvuođa, veahkehit rievdadit eallindábiid ja eastadit buozalmasvuođa. Dearvvašeallinguovddáš galgá leat buorre ovttasbargoguoibmi ja resursa suohkana álbmotdearvvašvuođabarggus. Mii háliidit šaddat nanu ja bistevaš dearvvašvuođabálvalus álbmoga várás.
Álggaheapmi ja rahpanáiggit
Dál plánet fállat dan beaivet, ja guokte eahkethárjehallama juohke gaskavahkku dii. 18 ja dii. 19 Hánnoluohkká 1:s, fysioterapevtabálvalusas. Guovddáža rahpanáiggit leat mánnodagas duorastahkii dii. 09–15, ja bearjadagaid dii. 09–13. Dasa lassin lea rabas juohke gaskavateahkeda dii. 18–20.
Loga eambbo
Dearvvašeallinguovddáža birra - Guovdageainnu suohkan