Fálaldagat
Studio Duodji
Mánnodagaid dii. 12-14. Studio Duodji lea rabas duodjelatnja dutnje gii háliidat duddjot, šurrat ja deaivat olbmuid. Mis leat gávcci goarrunmašiinna, guokte overlockmašiinna ja veahá goarrunbiergasat. Duodjelatnja lea rabas dutnje gii lea pensionista dahje ruovttus beaivvet. Duodjelatnja lea kulturviesus, latnja 122.
Njuoratmánnájoavku
Disdagaid dii. 12 lea hárjehallan fysioterapiijabálvalusa lanjain (Hánnoluohkka 1). Dasa lassin šaddá maiddái njuoratmánáid deaivvadeami Guovdageainnu álbmotgirjerádjosis, go leat temát ja “loga mánnái”, ja njuoratmánálávlun lea searvegoddeviesus, geahča sierra plána dan birra. Njuoratmánnádeaivvadeapmi lea fálaldat váhnemiidda geat leat ruovttus virgelobis. Váhnemat sáhttet maiddái oažžut individuálalaš čuovvoleami fysioterapevttas jus lea dárbu. Váldde oktavuođa Vilde Márjjáin telefuvnna bokte, dahje May-Lise Triumf dearvvašvuođastašuvnnas.
Lášmadis olmmoš Guovdageainnus (Gievrudanhárjehallan)
Disdagaid dii. 18 ja duorastagaid dii. 08 Bákteharjjis. Gievrudanhárjehallan iešguđetlágan gievrudandoaimmaiguin. Hárjehallan iežas gorutdeattuin, gummebáttiiguin, manuálaiguin jna. Ii leat dárbu dieđihit, boađe hárjehallat! Heive buohkaide. Vilde Márjá lea joavkoinstruktevra.
Sávri (Sávrodanhárjehallan)
Gaskavahkuid dii. 09. Sávrudeapmi intervállaiguin, don sáhtát viehkat, vázzit, sihkkelastit dahje suhkat! Hárjehallan heive buohkaide. Vilde Márjá lea joavkoinstruktevra. Mii álgit 28.10 dii. 09. Hárjehallan lea fysioterapiijabálvalusa lanjain (Hánnoluohkka 1). Mii sirdit hárjehallama olggos giđa mielde.
Lášmadis pensionista Mázes (Gievrudan- ja dássádushárjehallan)
Gaskavahkuid dii. 15 Máze skuvlla lášmmohallanlanjas. Gievrudanhárjehallan ja dássádushárjehallan (balansetrening). Hárjehallan iežas gorutdeattuin, gummebáttiiguin, manuálaiguin jna. Joavku heive dutnje gii leat ealáhagas, ja leat dan muttus searra ahte it dárbbat vázzinveahkkeneavvuid dahje doarjaga hárjehaladettiin. Vilde Márjá lea joavkoinstruktevra.
Lášmadis olmmoš Mázes (Gievrudanhárjehallan)
Gaskavahkuid dii. 16:15 Máze skuvlla lášmmohallanlanjas. Gievrudanhárjehallan iešguđetlágan gievrudandoaimmaiguin. Hárjehallan iežas gorutdeattuin, gummebáttiiguin, manuálaiguin jna. Ii leat dárbu dieđihit, boađe hárjehallat! Heive buohkaide. Vilde Márjá lea joavkoinstruktevra.
Ložžedallan-joavku
Duorastagaid dii. 09 Báktehárjjis. Ložžedallan-joavku lea joavku gos mii ložžedallat čavgan dehkiid, lotkudit iežamet ja vuoigŋat. Váldde áinnas mielde ránu ja/dahje liegga biktasiid jus leat hárjehallan ovdal ložžedallama. Vilde Márjá lea joavkoinstruktevra.
Lášmadis pensionista Guovdageainnus (Gievrudan- ja dássádushárjehallan)
Duorastagaid dii. 10 Báktehárjjis. Gievrudanhárjehallan ja dássádushárjehallan (balansetrening). Hárjehallan iežas gorutdeattuin, gummebáttiiguin, manuálaiguin jna. Joavku heive dutnje gii leat ealáhagas, ja leat dan muttus searra ahte it dárbbat vázzinveahkkeneavvuid dahje doarjaga hárjehaladettiin. Hárjehallan ii leat dušše pensionistaide, muhto rabas buohkaide! Vilde Márjá lea joavkoinstruktevra.
Áhpehisvuođajoavku
Duorastagaid dii. 14 fysioterapiijabálvalusa lanjain (Hánnoluohkka 1). Fálaldat lea dutnje gii lea áhpeheapme. Dat šaddá hárjehallan juohke duorastaga ja oktii mánus lea maiddái fáddá fágaolbmuin. Sierra plána boahtá dan birra. Boađe akto dahje fárrolaga guimmiin.
Mii lea dearvvašeallinguovddáš?
Dearvvašeallinguovddáš lea Guovdageainnu suohkana stuorámus dearvvašvuođa áŋgiruššan. Guovddáš lea rabas buohkaide, ja fállá bálvalusaid olles álbmogii. Guovdageainnu dearvvašeallinguovddáš lea nuvttá dearvvašvuođafálaldat suohkanolbmuide, ja fállá dearvvašvuođaovddideaddji ja eastadeaddji dearvvašvuođabálvalusaid. Dearvvašeallinguovddáš galgá leat oadjebas báiki gos olbmot sáhttet deaivvadit sosiála doaimmaide, rumašlaš lihkadeapmái, fysalaš doaimmaide ja hárjehallamii. Doppe galgat maiddái juogadit ávkkálaš ja dehálaš máhtu.
Mii háliidit juogadit dakkár máhtolašvuođa mat sáhttet veahkehit olbmuid iežaset dearvvašvuođa áimmahuššat buoremus lági mielde,, danne áigut dađistaga maiddái fállat logaldallamiid ja kurssaid.
Mihttu lea ovdánahttit giliolbmuid dearvvašvuođa, veahkehit rievdadit eallindábiid ja eastadit buozalmasvuođaid. Dearvvašeallinguovddáš galgá leat buorre ovttasbargoguoibmi ja resursa suohkana álbmotdearvvašvuođabargguin. Mii háliidit nanu ja bistevaš dearvvašvuođabálvalusa álbmogii.
Gos gávnnat dearvvašeallinguovddáža
Mii boahtit atnit earret eará Báktehárjji, dearvvašvuođaguovddáža ja fysioterapiijabálvalusa lanjaid joavkohárjehallamiidda ja oahpahussii/kurssaide.
Vilde Márjá Eriksen Hensema lea dearvvašeallinkoordináhtor ja oahppan fysioterapevta. Fágalašovddasvástideaddji lea suohkanváldodoavttir Ánne Lájlá Westerfjell Kalstad.
Rabasáiggit
Guovddáža rahpanáiggit leat mánnodagas duorastahkii dii. 09–15, ja juohke disdaga dii. 10-19:30.
Eará fálaldagat plánema vuolde
• Dearvvašeallinlávvu
• Lávvuságastallamat & káffe
• Juoiganjoavku
• Sávrres váibmu (váibmo- ja geahppájoavku)
• Murjet ja oaggut čakčat
• Kursa - Buorre biebmu (Rávisolbmuide ja bearrašiidda)
• Psyhkalaš dearvvašvuohta ja árgabeaimokta
• Oađđin ja oađđinváttut: Kursa - Oađe njálgát
• Ahkemolsun
• Riskavuloš alkoholageavaheapmi ja heaitit borgguheamis ja snuvssaiguin
Jus leat gažaldagat, de váldde oktavuođa dearvvašeallinkoordináhtoriin Vilde Márjá telefovnnas +47 458 30 255 dahje e-poasttas.
Váldde áinnas oktavuođa jus jurddašat dahje sávat eará áigeguovdilis dearvvašvuođabálvalusaid ja fálaldagaid guovddážii.
Bures boahtin buohkaide, sávvat mii oaidnalit!
Njuoratmánnájoavku ja hárjehallan
Hárjehallan lea fysio luhtte, Hánnoluohkka 1. Njuoratmánáidlávlun lea Guovdageainnu Searvegoddeviesus, eambbo dieđu dan birra boahtá.
