Daid maŋemus beivviid leat duođaštuvvon 5 koronanjoammuma Guovdageainnus.

Ávžžuhus: Ale mana bargui dahje skuvlii jus dus leat covid-19 dávdamearkkat.

Guovdageainnu suohkan čuovvu gustovaš nationála njuolggadusaid ja doaibmabijuid covid-19 oktavuođas.
 

Ruovttuiskosat

Jus leat dovdagoahtán covid-19 dávdamearkkaid sáhtát viežžat ruovttuiskkadanrusttegiid vuoiŋŋahatklinihka iskkusstašuvnnas juohke beaivvi gaskkal dii. 13:00 ja 14:00.
 

Lasi dieđut njoammumiid birra

1. Vuosttaš njoammun lea positiiva koronaiskkusbohtosa ožžon 30.10 ja lea leamaš duorastaga 28.10.21 skábmadiscos Sámi joatkkaskuvlla ja boazodoalloskuvlla faláštallanlanjas. Son lei doppe gaskkal dii. 17:00 ja 19:00. Dát olmmoš lea maiddái leamaš kulturskuvlla mánáidteáhterčájálmasas gaskavahkku 27.10.21 kulturviesus dii. 18:00-19:30.
    
2. Nubbi njoammun lea maid positiiva iskkusbohtosa ožžon 30.10 ja lea vuosttaš njoammuma lagasoktavuohta. Son bargá Guovdageainnu skuvllas.
    
3. Goalmmát njoammun lea positiiva iskkusbohtosa ožžon ikte (31.10), son lea bargi Dorvogoađi fuolahusguovddážis ja ii leat čatnon daid guokte vuosttaš dieđihuvvon njoammumiidda. Son lea leamaš barggus Dorvogoađi fuolahusguovddážis lávvordaga 30.10.
   Dorvogoađis čađahit iskkadanráđđenvuogi vahkku ovddasguvlui. Dat mearkkaša ahte sihke bargit ja ássiid váldet johtilis iskosiid beaivválaččat ja PCR iskosa 1., 3. ja 7. beaivvi. Dasa lassin atnet buohkat njálbmesuoji ja eai váldde vuosttá gussiid.
    
4. Njealját njoammun lea ikte eahkes (31.10) ožžon positiiva iskkusbohtosa ja ii leat čatnon eará njoammumiidda.
    
5. Viđát njoammun lea odne (01.11) ožžon positiiva iskkusbohtosa ja lea lagasoktavuohta ovtta dain vuosttaš njoammumiidda. Son lea Thon hoteallas leamaš revyas ja restoráŋŋas lávvordat eahkeda.