Guovttis leat odne, 30.10.2021, váldán covid-19 iskosa ja ožžon positiiva iskkusvástádusa.
Mii eat dieđe vel gos njoammun boahtá.

Okta dáin lea leamaš duorastaga 28.10.21 skábmadiscos Sámi joatkkaskuvlla ja boazodoalloskuvlla faláštallanlanjas. Son lei doppe gaskkal dii. 17:00 ja 19:00. Dát olmmoš lea maiddái leamaš kulturskuvlla mánáidteáhterčájálmasas gaskavahkku 27.10.21 kulturviesus dii. 18:00-19:30.

Sii geat leat leamaš doppe galget čuovvut bures mielde jus dovdagohtet dávdamearkkaid ja váldit iskosa jus leat covid-19 dávdamearkkat.

Nubbi njoammun lea vuosttaš njoammuma lagasoktavuohta.

Njoammuguorran ja lagasoktavuođaid iskkadeapmi joatká.

Vuoiŋŋahatklinihka iskkusstašuvnnas lea drop-in rabas gaskkal dii 13:00-14:00 ja 17:00-18:00, sihke odne 30.10 ja ihttin 31.10. Lea dušše boahtit, it dárbbaš riŋget dahje diŋgot áiggi. 

Jus dus leat jearaldagat, riŋges koronatelefovdnii: 413 92 709

Suohkanváldodoaktára Anne Lajla Kalstad ávžžuhus:

“Lea hirbmat dehálaš ahte buohkat geain leat dávdamearkkat váldet iskosa ja eai mana olbmuid sisa, skuvllii dahje bargui.

Dál lea stuora leavvan min birrasis, ja mii fertet eastadit leavvama Guovdageainnus. “