Fertii ohcat ođđa huksenlobi

- Eatnanvuložat fertejit maid addit huksenlobi, muitala prošeaktajođiheaddji ođđa vuođđoskuvlla ovddas, Nils Eirik Toft (WSP), go boahtá lávus gaskavahkku iđida. Son ja su bargoustit Jostein Danielsen leaba entreprenevrra Peab Bjørn Bygg ovddasteddjiiguin idjadan lávus skuvlahuksensajis.

Deaddil ja stuora govva ihtáSokki Adventures lágidii lávu, biepmu ja kultuvrralaš ovdanbuktimiid idjadeapmái skuvlahuksensajis.       

 - Olu suohkanbargit ja Guovdageainnu ássit leat ávžžuhan min idjadit huksensajis. Dat lea sámi árbevieru mielde jearrat lobi eatnanvuložiin ovdal go cegge lávu dahje hukse viesu. Mii háliidit atnit árvvus sámi árbevieruid, seammás go oahppat eambbo sámi kultuvrra ja historjjá birra, muitala Toft.

Lei sátnejođiheaddji Hans Isak Olsen gii disdateahkeda dagai dola ja bovdii gussiid lávvui mii lei ceggejuvvon dakko gokko ođđa skuvlla váldouksa šaddá. Lávus guossohii Ásllat Sokki, guhte doaimmaha Sokki Adventures, biđđosa ja muitalii persovnnalaš vásáhusaid eallima birra boazosápmelažžan. Sokki láve ieš álo jearrat lobi eatnanvuložiin ovdal go cegge lávu, ja lea ilus go jerret lobi ovdal go huksegohtet ođđa skuvlla. Sokki ja Olsen muitaleaba eará beliid maid, ahte bohtet sihkkarit leat máŋggalágan oaivilat dasa ahte dáinna lágiin jearrat huksenlobi.

- Eai buohkain leat seamma garrasit čadnon árbevirrui, ja muhtumat soitet oaivvildit ahte lea dárbbašmeahttun go das lea jo ceaggán skuvla 60 jagi.

Deaddil ja stuora govva ihtáSátnejođiheaddji Hans Isak Olsen dahká dola.    

- Mii leat hui vuollegaččat dasa ahte leat iešguđetlágan oaivilat dan birra, dadjá Toft.

- Dál mii leat goit ilus go leat oađđán bures ja mis lea buorre mokta álggahit huksenbargguid ja vai Guovdageainnu mánát ožžon dan skuvlla maid sii ánssášit.

Deaddil ja stuora govva ihtáLei buorre mokta lávus distateahkeda. Dá huksenfitnodaga ja Guovdageainnu suohkana ovddasteaddjit, ja lágideaddji.