Fágareive, sváinnasreive ja niehkostipeanda juohkin

Suohkanstivračoahkkimis 22.06.2023 Mázes lei fágareive ja niehkostipeanda juohkin

Almmuhuvvon 23.06.2023 14.59
Maŋemusat rievdaduvvon 23.06.2023 15.00

Fágareive ja sváinnasreive juohkin

Čuovvovaččat ledje bovdejuvvon oažžut fága-/sváinnasreivve suohkanstivračoahkkimis, ja bovdejuvvoje borrat lunša suohkanstivrrain:

Fágareive 2023
Kandidáhtanamma: Oahppofága:
Caj Ante Turi Goahkkafága
Ian Ante Buljo Mohtorsihkkelfága
Kim Steve Hætta Pedersen Mohtorolmmáifága
Lasse Johan J. Kalak Eira Boazodoallofága
Mathis Anders H. Sara Boazodoallofága
Christoffer Leif Eirik Eilertsen Huksejeaddjifága
Mahtte Ivvar J. Sara Huksejeaddjifága
Mikkel Johannesen P. Eira Huksejeaddjifága
Anders Isak I. Eira Huksejeaddjifága
Biret Helene Eira Mánáid- ja nuoraidfágabargi
Elle Karen Anne A. Sara Náhke- ja duolljeduddjonfága
Karen Marit Bæhr Bongo Vuovdinfága
Line Cecilie Buljo Dearvvašvuođafágabargi
John Mikkel N. Gaup Dearvvašvuođafágabargi
Nils Even Sara Buljo Energiijabijaheaddjifága
Fágareivejuohkin/Utdeling av fagbrev - Deaddil ja stuora govva ihtá

Sátnejođiheaddji geigii fágareivve mánáid- ja nuoraidbargifágas Biret Helene Eirai suohkanstivračoahkkimis 22.06.2023 Mázes.

Guovdageainnu suohkan sávvá ollu lihkku buohkaide fága- ja sváinnasreivviin ja sávvá lihkku viidáset bargguiguin fágagelbbolašvuođain.

Niehkostipeanda juohkin

Norgga kulturskuvlaráđđi Terje Lindberg bokte jugii niehkostipeanda Elina Ijäsii. Sátnejođiheaddji geigii liđiid sutnje. 

Niehkostipeandajuohkin/Utdeling av drømmestipendet - Deaddil ja stuora govva ihtá

Elina giitá Guovdageainnu suohkana kulturskuvlafálaldaga ovddas, mii atti sutnje movtta jáhkkit alcces ja duosttat lávddi ala mannat. Elina namuhii earenoamážit Ann Mari Andersena gii movttiidahtti su ja giitá su earenoamážit. 

Elina Johansen Ijäs lea davvisámegielat lávlu ja lávlučálli Guovdageainnus Finnmárkkus ja Gáivuonas Romssas eret. Su niehku juste dál lea almmuhit vuosttaš álbuma, ja eallit musihkain ja dáidagiin. 

Elina lea ieš lohkan ahte niehkostipeanda lea earenoamáš fiinna ja dehálaš gudneduođaštus dasa maid son bargá. Niehkostipeanddain son oažžu ruđa buvttadit vuosttaš álbuma ja nannejuvvon jáhku ahte boahtá lihkostuvvat.