Odne lea bearaškonsearta suohkanviesu olggobealde, dii. 17:30.

Dáppe guoimmuhit Bernt Mikkel Haglund ja juoigit, dán jagáš BlimE-artista Ánde Gaup ja Dimitri Joavku.
Lágideaddji: Sámi Musihkkafestivála

Dáppe beasat maid oaidnit min iežamet Máret Ánne Sara dáidaga mii galgá ilbmat márkanis. 
Dasa lassin čalmmustahttit ahte Guovdageainnu IL lea ožžon čuovggaid spábbačiekčanšilljui.

Dii. 18:30 rájes guossoha Nordlysrein liegga borramuša gehččiide konsearttas. 
Sponsor: Seastinbáŋkovuođđudus ja Guovdageainnu suohkan.

Biilabisánanbáiki konseartta oktavuođas?

Jus dus lea dárbu biillain mátkkoštit vai searvat bearaškonsertii, sáhtát biilla omd. guođđit Villmarksentera bisánanbáikái jus it gávnna bisánan báikki lagabus.

Maŋŋel konseartta, dii. 19:30, beassat fas vásihit árbevirolaš čiekčama Báktevári spábbačiekčanšiljus, “slaget om vidda”, Guovdageaidnu vs. Nordlys. Boares sáŋgárat leat goappašiid joavkkuin, ja vel soames ođđa nástti.
Lágideaddji: Guovdageaidnu IL