Duddjot go niibeboahkániid, ja háliidat dan oahpahit nuoraide?

Guovdageainnu suohkan lea rámis min álbmoga duodjeárbevieruid dihte, ja háliidit addit máhtu boahtteáiggi buolvvaide. 

Niibeboahkánat - Deaddil ja stuora govva ihtá Maia Hætta  

Guovdageainnu suohkan galgá lágidit borgemánu/čakčamánu 2020 mielde niibeboagánkurssa ja lea sadji 5 nuorra olbmui gaskal 13 – 16 jagi.

Jus háliidat leat kursadoalli, de sávvat ahte sáddet haddefálaldaga čuovvovaš sisdoaluin:

  • Galle kursadiimmu, ja kursabeaivvi
  • Man guhká kursa bistá
  • Kurssa olleshaddi

Lea vejolaš addit haddefálaldaga sihke ávdnasiiguin máid dárbbaša kursii ja ávdnasiid haga. Jus addo fálaldat mas ávdnasat leat mielde, dáhttut ollislaččat guokte fálaldaga:

  1. Fálaldat mas leat diimmut, kursabeaivvit ja bistin, ja vel ávdnasat.
  2. Fálaldat mas leat dušše diimmut, kursabeaivvi ja bistin.

Goas kursa de čađahuvvo, dan soahpat go mis lea šiehtadus dahkkon.

Jus leat jearaldagat čadnon dán fálaldatgulaskuddamii, lea ge buorre ja váldde oktavuođa Svanhild Camilla Utsiin. Sáhttá riŋget 40448408 dahje sáddet e-boastta.

Mii háliidit oažžut haddefálaldaga nu fargga go vejolaš, ja maŋemusat ovdal 20.06.2020, Svanhild Camilla e-bostii.