Dihtet go ahte boahku dahká ahte it dárbbat erremii

Guovdageainnus lea dál hui buorre liiba váldit goalmmát boahkkudosa, ja dáinna lágiin beassat erremis. Dán vahkku mii boahkuhit olles golbma beaivvi; disdaga, gaskavahkku ja duorastaga.  

-Mun ávžžuhan buohkaid geat sáhttet váldit boahku dahket dan, ii dušše suddjendihte iežat, muhto go válddát goalmmát boahkkudosa de geahpiduvvojit errengáibádusat sakka, dadjá suohkanváldodoavttir Anne Lajla W. Kalstad.

Váldonjuolggadus lea ahte buohkat geat leat lagasoktavuođat oktii geasa covid-19 lea njommon galget erremii. Jus lea mannán eambbo go vahkku dan rájes go leat ožžon goalmmát boahkkudosa de it dárbbat erremii. (olbmot geaigun orut fárrolaga fertejit váldit ruovttuiskosa beaivválaččat) Eambbo erreme ja isolašuvnna birra gávnnat dáppe helsenorge.no.

Leat go jurddašan mátkkoštit olgoriikii lagamus áiggi? De berret iskat jus du koronaboahkkuduođaštus ain lea dohkálaš. Guovvamánu 1. beaivvi rájes gáibidišgoahtá EU ahte leat váldán ođastandosa jus galggat fitnat riikkain mat gáibidit dan. Loga eambbo dan birra FHI siidduin.

Buohkat badjel 18 jagi sáhttet dál oažžut goalmmát boahkkudosa jus lea mannán unnimus 20 vahkku dan rájes go váldet nuppi boahkkudosa. (25.08.2021 dahje árabut) Boahtte vahkku leat earenoamáš buorit vejolašvuođat váldit boahkuheami Coop Jernvare gealláris go mii boahkuhetnet čuovvovaš áiggiid:

Disdaga 11.01, dii. 09:00-17:00

Gaskavahkku 12.01, dii. 09:00-17:00

Duorastaga 13.01, dii. 09:00-15:00

Tegnet illustrasjon av hvordan opptrekk av vaksine til en sprøyte skjer - Deaddil ja stuora govva ihtá