NATO ja Suodjalus hárjehallet vuoi mii ovttas galgat ásahit sihkkarvuođa Norgii ja dorvvolašvuođa álbmogii.

Njukčamánus 2024 galget duháhiid mielde norgalaš ja alliánsariihka soalddáhat ovttas hárjehallat Davviriikkaid suodjalusa várás. Hárjehallama váldoguovllut lea davit Norggas, Ruoŧas ja Suomas, ja vel dasa gullevaš áibmoguovlluin ja áhpeguovlluin.

Norggas šaddet eanemus doaimmat Ráhkás ja Sis-Romssas ja viidásit nuortadavás gitta Áltái ja Gaska-Finnmárkui. Dasa lassin šaddet ollu doaimmat mearraguovlluin olggobealde Tromssa ja Finnmárkku.

Dán dálvvi mielde leat Davvi-Norggas ollu alliánsariihka militearat oaidnimis, ja leat hárjehallamat, ráhkkaneamit ja iešguđetlágan suodjalus doaimmat. Dat dahkko vai alliánsariihka soahteveagat livčče nu bures ráhkkanan ahte sáhttet hárjehallat davviriikkalaš dálvedálkkádagain.

Álbmot Guovdageainnus ja guovlluin birrasis bohtet mearkašit militeara oassálastima. Diehtojuohkinčoahkkimis muitaluvvo earret eará hárjehallama birra, oasseváldiid birra, makkár guovlluide doaibma guoská, ja birrása birra. Čoahkkin loahpahuvvo rabas jearahallamiin gos álbmot beassa jearrat gažaldagaid sis geat plánejit hárjehallamiid. Ii gáibiduvvo dieđiheapmi, muhto lea ráddjejuvvon sadji 50 olbmuide.

Lea ráhkáduvvon sierra neahttasiidu dán hárjehallamii.