Ollislaš suodjalus ja doalloriikka doarjja
Ollislaš suodjalus leat buot Norgga ollislaš gearggusvuođaresurssat - militeara ja siviila. Dát mielddisbuktá lotnolas doarjuma gaskal Suodjalusa ja siviila servodaga buot kriisaperspektiivvas ráfi rájes sihkarvuođapolitihkalaš kriissa bokte ja soahtái.
Duođalaš kriisadilis dahje verjjolaš konflivttas Suodjalus boahtá dárbbašit eanet resurssaid go maid Suodjalus beaivválaččat dárbbaša, ja dárbbaša siviila doarjaga gálvvuide, bálvalusaide, bargovehkii ja infrastruktuvrra dábuheapmái.
Dehálaš dárbbut Suodjalussii leat geaidno-, ruovdemáđii-, mearra- ja áibmofievrredeamit(gullevaš infrastruktuvrrain) bargoveaga, dávviriid ja váráiduhttimiid sirdimiid várás ja eváhkkui.
Siviila dearvvašvuođabálvalusaid oažžun, eambbo spesialiserejuvvon bálvalusat nugo bajásdoallan- ja inšenevrabálvalusat ja eanet unnit, muhto dehálaš oalgekapasitehtat, nugo ovdamearkka dihte meteorologalaš bálvalusat, bohtet leat kritihkalaččat.
Dárbu šaddá muhtun gálvvuide, mas boaldámušlágideapmi (girdiboaldámuš lea earenoamáš hástalus) vai doarju fievrredanbálvalusaid ja Suodjalusa soahtedoaimmaid, gullet dehálepmosiid searvái.
Sihke siviila lágideaddjit geat veahkehit Suodjalusa, ja vissis muddui Suodjalus ieš, dasa lassin dárbbaša vuođđobálvalusaid nugo fápmolágideami ja eanet siviila IKT-infrastruktuvrra ja - bálvalusaid.