Dán jagáš valáštallanstipeanda vuoiti

Guovdageainnu suohkan sávvá váimmolaš lihku Inga Hanna Teresa Miennai geasa sátnejođiheaddji odne lea geigen dán jagáš valáštallanstipeandda!

Inga Hanna Teresa lea 16 jahkásaš Guovdageainnu nieida geasa stipeanda geigejuvvo su čuoiganattáldagaid ja bohtosiid dihte. Son lea čuoigan nu guhká go ieš muitá, ja lea daid maŋemus jagiid álgán hárjehallat eambbo duođalaččat, juoga man maid oaidná bohtosiin gos Finnmárkku-meašttir lea su buoremus olahus. Dál son illuda go lea válljejuvvon ovddastit Sámi  Árktalaš Dálveriemuin Kanadas 2023:s. Mii sávvat sutnje lihku viidáset áŋgiruššamiiguin!

Sátnejođiheaddji Hans Isak Olsen geige 2022 jagaš valaštallanstipeandda vuoitái Inga Hanna Teresa Miennai